QR IJTM sapasy tómen jáne sertıfıkattalmaǵan 634 mln. teńgeniń ónimin naryqqa jibermedi
ASTANA. 11 sáýir. QazAqparat - Sapasy tómen jáne sertıfıkattary joq 634 mln. teńgeniń ónimin satýǵa tyıym salyndy.
Bul týraly búgin Astanada ótken baspasóz máslıhatynda QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń tóraǵasy Ryskeldi Sátbaev málim etti.
«Tehnıkalyq retteý jáne metrologııa komıtetiniń aýmaqtyq departamentteri 2013 jyldyń 1-shi toqsanynda túrli nysandaǵy jeke menshik sharýashylyq sýbektilerinde ólshem quraldarynyń jaǵdaıyna jáne olardyń paıdalanylýyna, tehnıkalyq reglamentter talaptarynyń saqtalýyna 550 tekseris júrgizdi. Olardyń 310-ynda zańnama talaptarynyń buzýshylyqtary anyqtaldy»,-dedi komıtet basshysy.
Barlyq túrli tekseristerdiń nátıjeleri boıynsha sapasy tómen, tańbalanýsyz jáne sáıkestik sertıfıkattary joq 634 mln. 100 myń teńge somasyndaǵy ártúrli ónimniń 1 920 partııasyn satýǵa tyıym salyndy.
Osy oraıda zań buzýshylarǵa 36 mln. 593 myń teńge somasyna aıppuldar salyndy.
Qazaqstan Respýblıkasynyń Memlekettik ólshemder júıesiniń tizimine engizilmegen jáne salystyryp tekserilmegen 1 901 birlik ólshem quraldaryn paıdalanýǵa tyıym salyndy.
