QR IJTM respýblıkalyq ratsıonalızatorlyq usynystar baıqaýyn jarııalaıdy.
memlekettik údemeli ındýstrıaldy-ınnovatsııalyq damý baǵdarlamasynda» kórsetilgen baǵyttardy júzege asyrý maqsatynda «Ratsıonalızator.Kz» respýblıkalyq ratsıonalızatorlyq usynystar baıqaýyn jarııalaıdy.
Mınıstrlik baspasóz qyzmetinen habarlanǵandaı, atalǵan baıqaý halyqtyń ınnovatsııalyq belsendiligin arttyrý, ınnovatsııalyq kásipkerlikti nasıhattaý, ekonomıkanyń ártaraptanýyndaǵy ratsıonalızatorlyq qozǵalystyń mańyzdylyǵyn, ratsıonalızatorlar men olardyń óndiriske engen sheshimderin tanytý maqsatynda júzege asyp keledi.
Tuńǵysh ret baıqaýdyń televızııalyq nusqasy 2010 jyly «Habar» telearnasynda, al 2011 jyldan bastap «Qazaqstan» ulttyq arnasynda jaryq kórip keledi.
2013 jyldyń jalpy júlde qory 5 (bes) mıllıon teńge. 1 oryn - 2,5 mln. teńge, 2 oryn - 1,5 mln. teńge jáne 3 oryn - 1 mln. teńge.
Bıylǵy jyly «Ratsıonalızator.Kz» baıqaýy tek sheshimderi óndiriske engen ratsıonalızatorlardy ǵana emes, sonymen qatar ratsıonalızatorlyq sheshimderdi qoldaýshy kásiporyndardy da keńinen nasıhattaýdy maqsat etip otyr. Baıqaýdyń televızııalyq nusqasy «Jyldyń úzdik ratsıonalızatorlyq usynysy» jáne «Ratsıonalızatorlyqty qoldaýdyń úzdik júıesi» atalymy boıynsha jeńimpazdarynyń úzdik eńbekterinen quralmaq.
Baıqaýǵa ratsıonalızatorlyq usynysy elimizde óndiriske engizilgen jeke tulǵalar men kásiporynda ratsıonalızatorlyq usynystardy qoldaý júıesi bar zańdy tulǵalar qatysa alady.
Esterińizge sala keteıik, 2012 jyly baıqaýdyń «Jyldyń úzdik ratsıonalızatorlyq usynysy» atalymy boıynsha júldeli 1 oryndy Jetisaı qalasyndaǵy «Qazaq maqta sharýashylyǵy ǵylymı-zertteý ınstıtýty» ǵalymdary Ibadýlla Úmbetaev pen Orazbek Bıǵaraev ıelenip, 1,5 mln. teńge kólemindegi júldeni enshilegen edi. Ekinshi jáne úshinshi oryndardy, tıisinshe 1 mln jáne 750 myń teńge kólemindegi qarjylaı syıaqyny «KSP steel» JShS qyzmetkeri Vadım Savıtskıı (Pavlodar q.) jáne «Atyraý munaı óńdeý zaýyty» qyzmetkeri Aıgúl Aıtbaıqyzy (Atyraý q.) ózara bólisti. «Ratsıonalızatorlyqty qoldaýdyń úzdik júıesi» atalymy boıynsha «Qazaqstan temir joly» UK AQ jeńimpaz atandy.
