QR IJTM-niń Ónerkásip komıteti kórsetetin memlekettik qyzmetter standarttary bekitildi

ASTANA. 4 qazan. QazAqqparat - «Ónerkásip jáne eksporttyq baqylaý salasyndaǵy memlekettik qyzmet standarttaryn bekitý týraly» Qazaqstan Respýblıkasy Úkimetiniń 2012 jylǵy 31 tamyzdaǵy № 1130 qaýlysymen

Qazaqstan Respýblıkasy Indýstrııa jáne jańa tehnologııalar mınıstrliginiń Ónerkásip komıteti kórsetetin memlekettik qyzmetterdiń standarttary, onyń ishinde lıtsenzııalardy elektrondyq formatta berý bekitilgen.

Bul týraly atalǵan mınıstrliktiń baspasóz qyzmeti habarlady.

Esterińizge sala keteıik, Qazaqstan Respýblıkasy Prezıdentiniń shaǵyn jáne orta bıznesti damytý úshin ákimshilik kedergilerdi tómendetý boıynsha tapsyrmasyn iske asyrý maqsatynda 2012 jyldyń 1 sáýirinen bastap lıtsenzııanyń 7 túri www.elicense.kz   aqparattyq portaly arqyly berilýde.

Budan basqa, jaqyn arada www.elicense.kz portaly jáne Halyqqa qyzmet kórsetý ortalyqtary arqyly taǵy eki ruqsat berý qujattaryn berýdi júzege asyrý josparlanyp otyr. Olar:

• - ımportshynyń kepildik mindettemesi (túpkilikti paıdalanýshynyń sertıfıkaty);
• - taýarlardy, tehnologııalardy, jumystardy, qyzmetterdi, aqparatty eksporttyq baqylaýǵa jatatyn ónimderge jatqyzý týraly qorytyndy.

Elektrondyq formatta beriletin lıtsenzııalardyń túrlerimen www.comprom.kz saıtynan tanysýǵa bolady («Memlekettik qyzmetter» bólimi).