QR IJTM Izraılde júrgen qazaqstandyqtarǵa abaı bolýǵa keńes beredi

ASTANA. QazAqparat - QR Indýstrııa jáne jańa tehnologııalar mınıstrligi Týrızm ındýstrııasy komıteti Izraıl men Palestına aýmaqtaryndaǵy jaǵdaı boıynsha aqparattyq hat taratty, dep habarlady atalǵan vedomostvonyń baspasóz qyzmeti.

«Gaza aımaǵyndaǵy jaǵdaıǵa baılanysty QR IJTM Týrızm ındýstrııasy komıteti men QR SІM Izraıl jáne Palestınada júrgen qazaqstandyq azamattarǵa buryn aıtqan usynystaryn qaıtalaı otyryp, qarýly qaqtyǵys bolyp jatqan jerlerden jáne atys bolýy yqtımal oryndardan, ásirese Gaza sektoryna jatatyn aýmaqtan alshaq bolýǵa keńes beredi», delingen taratylǵan habarlamada.

Osyǵan baılanysty QR IJTM Týrızm ındýstrııasy komıteti barsha qazaqstandyqtardy abaı bolýǵa jáne muqııattylyq tanytýǵa shaqyrady.