QR IJTM «Gúlnár týr» kompanııasyn týroperatorlyq qyzmet kórsetý lıtsenzııasynan aıyrý týraly sotqa shaǵym túsirdi
ASTANA. QazAqparat - QR Indýstrııa jáne jańa tehnologııalar mınıstrligi Týrızm ındýstrııasy komıteti Almaty mamandandyrylǵan aýdanaralyq ákimshilik sotyna «Gúlnár týr» TK» JShS-in týroperatorlyq qyzmet kórsetý lıtsenzııasynan aıyrý týraly shaǵym túsirdi, dep habarlady vedomstvonyń baspasóz qyzmetinen.
«Gúlnár týr» týrıstik operatory týrıster aldyndaǵy mindetin abyroımen oryndamaı, «Qazaqstan Respýblıkasyndaǵy týrıstik qyzmet týraly» Zańdaǵy normany buzǵan», - delingen habarlamada.
Osyǵan deıin málim etilgendeı, QR ІІM Tergeý komıteti «Gúlnár týr» týroperatory jetekshiligi tarapynan jasalǵan alaıaqtyq faktisi boıynsha qylmystyq isti tergeýde. Quqyq qorǵaý organdaryna azamattardyń atalǵan týrıstik kompanııaǵa qatysty málimdemeleri kún saıyn túsip jatady
Eske sala keteıik, maýsym aıynyń sońynda QR júzdegen azamaty «Gúlnár týr» kompanııasynda týyndaǵan problemaǵa baılanysty Túrkııa eline demalýǵa ýaqtyly usha almaı, ýaqtyly kele almaı ábden ábigerge túsken edi. Kompanııanyń mundaı qyzmetinen keltirilgen zalal 30 mıllıon teńgege baǵalandy. Qazaqstandyqtardy elimizge qaıtarý úshin Kólik jáne kommýnıkatsııa mınıstrligi arnaıy reıster uıymdastyrdy.
