QR IJTM eskertýi: Qazaqstandyq týrısterge Bangkok qalasyna barmaǵan jón
ASTANA. 22 qańtar. QazAqparat - QR Indýstrııa jáne jańa tehnologııalar mınıstrligi Týrızm ındýstrııasy komıteti qazaqstandyq týrısterdi Taıland eline barmaýǵa úndeýde.
Taılandta úkimetke qarsy jappaı aktsııalardyń órshýine baılanysty 22 qańtarda Bangkok qalasynda jáne oǵan japsarlas provıntsııalarda tótenshe jaǵdaı engizildi.
Osy oraıda QR IJTM Týrızm ındýstrııasy komıteti men QR SІM qazaqstandyq týrısterge Bangkok qalasyna jol júrmeýge erekshe eskertý joldap otyr. Sonymen qatar týroperatorlar Bangkok qalasynda ekskýrsııalardy jaǵdaı turaqtalǵanǵa deıin toqtatýǵa sheshim qabyldady. «Bangkok áýejaıynan túsken týrıster el astanasyna soqpaı, demalys oryndaryna deıin tezirek jetip alýlaryn suraımyz. Asa úlken saqtyq tanytýǵa, quqyq qorǵaýshylardyń talaptaryn oryndaýǵa keńes beremiz. Taılandtan ketýdi josparlap qoıǵan týrıster áýejaıǵa barar jolyn aldyn ala qamdap qoıýlary tıis», - delinedi habarlamada.
