QR ishki ister organdary júıesinde «Arlan» arnaıy maqsattaǵy bólimsheniń qurylǵanyna 15 jyl toldy
ASTANA. 11 mamyr. QazAqparat - QR ishki ister organdary júıesinde «Arlan» arnaıy maqsattaǵy bólimsheniń qurylǵanyna 15 jyl toldy, dep habarlaıdy Astana qalasynyń ІІD baspasóz qyzmeti.
15 jylda arnaıy maqsattaǵy qyzmet qalyptasý jáne damý jolynan ótti, jáne búgingi kúni - shuǵyl mindetterdi tabysty oryndaýda mańyzdy quramdardyń biri.
Qurylǵan kúnnen bastap Astana qalasynyń «Arlan» arnaıy maqsattaǵy bólimshesiniń qyzmetkerleri elorda aýmaǵyndaǵy shuǵyl jaǵdaılardy qalypqa keltirýge eleýli úles qosýda. «Arlan» qyzmettik boryshty óteý kezinde bir de bir qyzmetkerinen aıyrylmaı kóptegen arnaıy operatsııalardy júrgizdi.
Bólimsheniń esebinde kóptegen esitkimen aınalysýshylardy, qaýipti jáne asa qaýipti qylmyskerlerdi ustaý, kepil tólegenderdi bosatý, sondaı-aq, úlken kólemde qarýlardy, oq-dárilerdi, esirtki zattaryn tárkileý bar.
Sonymen qatar, «Arlan» arnaıy maqsattaǵy bólimshesiniń jaýyngerleri QR-ǵa kelip-ketý kezinde memleket basshylarynyń jáne resmı tulǵalardyń qaýipsizdigin qamtamasyz etedi.
Astanalyq «Arlan» arnaıy maqsattaǵy bólimsheni qurýda onyń birinshi komandıri, qazirgi ýaqytta ardageri Dáýlet Temirhanov úlken ról atqardy.
«Arlan» jaýyngerlerin quttyqtaı otyryp, astanalyq polıtsııa basshysy Amantaı Áýbákirov «búgingi arlandyqtardyń kez-kelgen jaǵdaıda operatsııalar júrgizý úshin joǵary deńgeıde daıyndalǵany jáne alǵa qoıylǵan mindetterdi oryndaýǵa daıyn ekendigi úlken uıymdasqan jumystyń nátıjesi boldy», dep atap ótti.
Barlyq qyzmetkerlerdiń derlik jekpe-jek urys túrleri boıynsha dárejeleri bar. 15 jylda bólimsheniń qyzmetkerleri birneshe ret garnızondyq, qalalyq, respýblıkalyq chempıonattar men halyqaralyq jarystardyń júldegerleri bolǵan.
Merekeniń qurmetine «Arlan» arnaıy maqsattaǵy bólimshesiniń úzdik sarbazdary ІІM jáne Astana qalasy ІІD bastyǵynyń kótermeleý marapattaryna ıe boldy.
