QR Іshki ister mınıstrliginde jańa taǵaıyndaýlar boldy

Bul týraly Astana qalasynda ótkizilgen brıfıng kezinde Іshki ister mınıstriniń baspasóz hatshysy Qýanyshbek Jumanov habarlady.

«Keshe Іshki ister mınıstriniń buıryǵymen Krımınaldy polıtsııa komıtetiniń tóraǵasy bolyp Serik Bilálov taǵaıyndaldy», - dedi Q.Jumanov.

Q.Jumanovtyń aıtýynsha, polıtsııa polkovnıgi S.Bilálov ishki ister organdaryndaǵy qyzmetin 1990 jyly bastady, ýchaskelik ınspektor, jedel ýákil, AІІB bastyǵynyń orynbasary, QR ІІM Krımınaldy polıtsııa komıteti tóraǵasynyń orynbasary qyzmetterin atqarǵan.

QR ІІM Shtabynyń bastyǵy bolyp Erjan Zaǵıtov taǵaıyndaldy. Polıtsııa polkovnıgi E.Zaǵıtov ta óz qyzmetin 1990 jyly prokýratýra organdarynda bastaǵan. ІІM apparatynda tergeý departamenti bastyǵynyń orynbasary qyzmetin atqaryp, zańgerler qyzmetin basqardy, qazirgi taǵaıyndaýǵa deıin ІІM Shtaby bastyǵynyń orynbasary qyzmetinde boldy, dep atap ótti baspasóz hatshysy.