QR Іshki ister mınıstrligi úzdik mergendi anyqtady
NUR-SULTAN. QazAqparat - QR Іshki ister mınıstrligi úzdik mergendi anyqtady, dep habarlaıdy mınıstrliktiń baspasóz qyzmeti.
Jastardy sportqa shaqyra otyryp, Memleket basshysy
Qasym-Jomart Toqaev Úkimetke jáne Parlamentke sportty buqaralyq sharaǵa aınaldyrýdy tapsyrdy. Atalǵan tapsyrmany oryndaý sheńberinde, ishki ister organdary qyzmetkerleriniń jáne Ulttyq ulannyń áskerı qyzmetshileriniń kásibı daıyndyq deńgeıin arttyrý, jaýyngerlik qarýdan oq atý daǵdylaryn jetildirý maqsatynda QR ІІM jáne «Dınamo» dene shynyqtyrý-sport qoǵamy» qoǵamdyq birlestiginiń Ortalyq keńesi birinshi ret Qazaqstan Respýblıkasy ishki ister organdarynyń qyzmetkerleri men Ulttyq ulannyń áskerı qyzmetshileri arasynda jaýyngerlik qarýdan atý boıynsha Qazaqstan Respýblıkasy Іshki ister mınıstriniń kýbogyna respýblıkalyq týrnır ótkizdi.
Týrnır 2019 jyly 23 tamyzda Nur-Sultan qalasynda «Alataý» sport saraıynda ótti. Jarysqa aýmaqtyq Polıtsııa departamentteriniń, Qylmystyq-atqarý júıesi komıtetiniń, ІІM Mamandandyrylǵan kúzet qyzmeti basqarmasynyń, oqý oryndarynyń, sondaı-aq Ulttyq ulannyń komandalary qatysty.
Qurmetti qonaqtar retinde týrnırge Mádenıet jáne sport mınıstriniń orynbasary Eldos Ramazanov, Іshki ister organdary men Ulttyq ulan ardagerleriniń qazaqstandyq uıymynyń tóraǵasy Ómirzaq Bolsambekov, Olımpıada chempıony, sý dobynan KSRO-nyń eńbek sińirgen sport sheberi, «Dınamo» DSQ ardageri Sergeı Kotenko shaqyryldy.
Týrnırdiń jabylý saltanatynda Іshki ister mınıstri Erlan Turǵymbaev atys daıyndyǵy ishki ister organdary men Ulttyq ulannyń negizgi qyzmettik-qoldanbaly sport túrleriniń biri ekenin aıtty.
Іshki ister organy qyzmetkerleriniń atys qarýyn senimdi meńgerýi – ІІM bólimsheleri qyzmetiniń tıimdiligin anyqtaıtyn mańyzdy faktorlardyń biri. Sondaı-aq, vedomstvo basshysy atalǵan týrnır qoldanbaly sportty damytýda ıgi dástúrge aınalýy tıis ekenin de atap ótti.
Týrnırdiń ashylý saltanatynda elordalyq Polıtsııa departamentiniń «Arlan» arnaıy bólimshesiniń qoıan-qoltyq urys boıynsha óner kórsetýi barlyq qatysýshylarǵa jaýyngerlik rýh berdi.
Іs-sharanyń qorytyndysy boıynsha jalpy komandalyq esepte І oryndy Almaty qalasy Polıtsııa departamentiniń komandasy, ІІ oryndy Qaraǵandy oblysy Polıtsııa departamentiniń komandasy, ІІІ oryndy ІІM Mamandandyrylǵan kúzet qyzmeti basqarmasynyń komandasy ıelendi.
Áıelder arasyndaǵy eń úzdik nátıjelerdi Natalıa Tkachenko (Almaty q. PD), Aısáýle Jeńisqyzy (Qaraǵandy oblysynyń PD) jáne Pavlodar oblysy PD qyzmetkeri Aıman Jamınova kórsetti.
Týrnırdiń jeńimpazy Natalıa Tkachenkonyń nátıjeleri atýdan sport sheberi ataǵyna úmitker normatıvinen asyp túsetinin atap ótý kerek.
Erler arasynda Almaty qalasy PD ókili Eldos Násipbaev úzdik bolyp tanyldy. Sonymen qatar, Mamandandyrylǵan kúzet qyzmeti basqarmasynyń qyzmetkeri Aıdyn Kapelov da jaqsy nátıje kórsetti. Kóshbasshylar úshtiginiń biri – Erkebulan Qamıev (Qaraǵandy oblysynyń PD) boldy.
Jarys qorytyndysy boıynsha vedomstvo basshysy úzdik komandaǵa QR Іshki ister mınıstriniń kýbogyn tabys etti. Jeke birinshiliktiń jeńimpazdary men júldegerleri medaldarmen, dıplomdarmen jáne baǵaly syılyqtarmen marapattaldy.
