QR Іshki ister mınıstrligi nasybaıǵa tyıym salýǵa múddeli

Bul týraly sársenbi kúni Astanada mınıstrlik qabyrǵasynda ótken aptalyq baspasóz brıfıngi barysynda ІІM Til saıasaty jáne aqparat departamentiniń bastyǵy Qýanyshbek Jumanov málim etti.

Quqyq qorǵaý organynyń resmı ókili habarlaǵandaı, «Іshki ister mınıstrligi QR Densaýlyq saqtaý mınıstrligine jáne respýblıkanyń Bas sanıtaryna nasybaıdyń adam aǵzasyna zııandylyǵyn alǵa tarta otyryp, ol zatty tyıym salýǵa qatysty usynyspen shyqqan. Alaıda nasybaıdyń quramyndaǵy zattar memleket tarapynan qadaǵalanbaıdy. Sondyqtan ony satýǵa tyıym salynbaǵan».

«Sońǵy zertteýlerdiń nátıjeleri kórsetip otyrǵandaı, ony paıdalaný densaýlyqqa eleýli zardabyn tıgizedi, óıtkeni onyń quramyna temeki, aq balshyq jáne taýyq nájisi, ózge janýarlar men qustardyń nájisteri kiredi»,-dep atap kórsetti Q. Jumanov.

Aq balshyq pen temeki silekeıli qabyrshaqty kúıdirip, bul aqyr aıaǵynda jazylmaıtyn jaralar men qurt aýrýyna alyp keledi. Al janýarlar men qustardyń nájisterinde túrli mıkrobtar, sonymen qatar parazıtterdiń jumyrtqalary bolady. Al olar adam aǵzasyna engennen keıin adamdy ýlap, túrli juqpaly aýrýlar týǵyzady.