QR Іshki ister mınıstri orynbasarlaryn túzeý kolonııalaryn tekserýge jiberdi
ІІM basshysynyń orynbasary Arystanǵanı Zapparov mekemeniń medıtsınalyq bólimderiniń jabdyqtalýyn tekserdi, sottalǵandar turatyn otrıadtarda jáne óndiristik ýchaskelerde boldy.
Ol sondaı-aq, Nur-sultan qalasy boıynsha QAJ departamentiniń ETs-166/5 mekemesiniń mektep jáne kásiptik-tehnıkalyq kolledjiniń jumysymen tanysty, sottalǵandardy ártúrli suraqtar boıynsha qabyldap, kezdesý ótkizdi.
Kezdesý barysynda mınıstrdiń orynbasary kolonııadaǵy oqytý jáne kásiptik bilim berý úshin jasalǵan jaǵdaılar eńbek etýge, jábirlenýshilerge keltirilgen zııannyń ornyn toltyrýǵa, eń bastysy bostandyqqa shyqqan kezde tez ári tabysty beıimdelýge yqpal etetinin atap ótti.
A. Zapparov mekeme basshylyǵy jáne qyzmetkerlermen birge jeke quram úshin ózekti máselelerdi, penetentsıarlyq júıeni jańǵyrtý jáne jumys oryndaryn qurý úshin kásipkerlerdi tartý máselelerin talqylady.
«Nur-Sultan»qalasy boıynsha qoǵamdyq baqylaý komıssııasynyń múshesi Orynbasar Quljabaeva jáne Aqmola oblysy boıynsha QBK «Nashe pravo» qoǵamdyq birlestiginiń tóraǵasy Vladıslavom Shýlmen mekeme qyzmetine azamattyq baqylaý júrgizý jaıy da sóz boldy. Quqyq qorǵaýshy óz kezeginde sottalǵandardy ustaý tártibi men sharttaryna qatysty oń ózgeristerdi atap ótti.
Esterińizge sala keteıik, buǵan deıin ІІM bastamasymen depýtattar, memlekettik organdar, ÚEU jáne halyqaralyq uıymdar ókilderiniń qatysýymen «Ashyq dıalog – penıtentsıarlyq júıeni reformalaý quraly» atty forýmy ótti.
Penetentsıarlyq júıeni halyqaralyq standarttarǵa jaqyndatý, sottalǵandardy ustaý jaǵdaılaryn jaqsartý, adam quqyqtaryn saqtaý úshin forýmǵa qatysýshylardan jumys toby quryldy. Bul jumys toby elimizdegi Qylmystyq-atqarý júıesin jańǵyrtýdyń jol kartasy ázirleýde.
Jol kartasyna azamattyq qoǵam ókilderi men quqyq qorǵaýshylardyń 200-ge jýyq usynystary endi.
