QR Іshki ister mınıstri Qytaıdyń Qazaqstandaǵy elshisi Chjoý Lımen kezdesti
ASTANA. Qazannyń 20-sy. QazAqparat /Marlan Jıembaı/ - QR Іshki ister mınıstri Serik Baımaǵanbetov Qytaıdyń Qazaqstandaǵy elshisi Chjoý Lımen kezdesti. Bul týraly QR ІІM resmı ókili Qýanyshbek Jumanov búgin elordada ótken baspasóz máslıhaty barysynda málim etti.
«Búgin QR Іshki ister mınıstri Serik Baımaǵanbetov QHR-dyń Tótenshe jáne Ókiletti elshisi Chjoý Lımen onyń Qazaqstan Respýblıkasyna qyzmetke taǵaıyndalýyna oraı kezdesti», - dedi resmı ókil.
Kezdesý barysynda taraptar Qazaqstan men Qytaıdyń quqyq qorǵaý salasyndaǵy ózara is-qımyl jasasýynyń jaı-kúıin talqylap, transulttyq qylmysqa qarsy kúres múddesinde ony odan ári keńeıtýdiń keleshegi týraly pikir almasqan.
