QR Іshki ister mınıstri Q.Qasymov jýrnalısterdi merekesimen quttyqtady
ASTANA. QazAqparat - Baılanys jáne aqparat kúni qarsańynda Іshki ister mınıstri Qalmuhanbet Qasymov buqaralyq aqparat quraldary ókilderimen kezdesý ótkizdi. Bul týraly mınıstrliktiń baspasóz qyzmeti habarlady.
«Qazaqstannyń ishki ister organdary - bul elimizdiń kóp fýnktsııaly jáne qatary kóp quqyq qorǵaý organdarynyń biri. Polıtsııa organdary azamattarmen tikeleı qarym-qatynasta qyzmet atqarady, avtokólik resimdeý, ruqsat alý, kóshi-qon qujattary jáne ózge de birqatar máseleler boıynsha tikeleı jumys isteıdi.
Bizdiń negizgi maqsatymyz - bul barynsha ashyqtyqty, jarııalylyqty, sondaı-aq bizdiń qyzmetimizdiń tıimdiligi men kásibıligin qamtamasyz etý.
Al azamattardyń senim deńgeıi - bizdiń jumysymyzdyń basty ındıkatory. Alaıda, BAQ-pen tolyqqandy ózara is-qımylsyz osy mindetti sheshý múmkin emes.
Memlekettik organdardyń qyzmeti týraly halyqty shynaıy habar etýde, halyqtyń quqyqtyq sanasyn arttyrýda baspasóz erekshe ról atqarady», atap ótti ishki ister mınıstri.
Mereke qarsańynda mınıstrdi buıryǵymen quqyqtyq tártipti jáne azamattardyń qaýipsizdigin qamtamasyz etýdegi polıtsııanyń jumysyn belsendi jarııalaǵany, polıtsııa qyzmetiniń bedelin arttyrýǵa yqpal etkeni úshin respýblıkalyq BAQ-tyń 33 jýrnalısi marapattaldy.
Saltanatty is-shara barysynda Q. Qasymov jýrnalısterge gramotalar men estelik syılyqtar tabys etti.
Sondaı-aq, «QazAqparat» HAA tilshisi Marlan Jıenbaı QR Іshki ister mınıstri Q. Qasymovtyń Alǵys hatymen marapattaldy.
