QR Іshki ister mınıstri Q.Qasymov Astana qalasy Іshki ister departamentiniń basshylyǵymen keńes ótkizdi
ASTANA. 21 sáýir. QazAqparat /Gúlmıra Álıakparova/ - QR Іshki ister mınıstri Qalmuhanbet Qasymov Astana qalasy Іshki ister departamentiniń basshylyǵymen jumystyq keńes ótkizdi.
Keńeste Іshki ister mınıstri, Elbasy Nursultan Nazarbaev quqyq qorǵaý organdarynyń aldyna qoıǵan talaptardy, sonyń ishinde árbir polıtsııa qyzmetkerine júktelip otyrǵan tapsyrmalar týraly aıtty. Q.Qasymov, polıtseılerdiń kásibı deńgeıin kóterý, jeke quramnyń áskerı, qyzmettik jáne atys daıyndyǵy máselesine de jiti toqtaldy. Al uıymdasqan qylmystyń aldyn alý jáne ony boldyrmaý, qoǵamdyq tártipti qorǵaý, polıtsııa qyzmetkerleriniń qataryndaǵy sybaılas jemqorlyqpen kúres túıitkilderi onyń aıtýynsha, asa nazar aýdarýdy qajet etedi.
Keńes sońynda Astana qalasy ІІD-niń bastyǵy polıtsııa general-maıory Marat Demeýov, Memleket basshysy quqyq qorǵaý organdaryna júktegen jaýapkershilikti elordanyń árbir saqshysy esten shyǵarmaıtyndyǵyn qadap aıtty.
