QR Іshki ister mınıstri Elbasynyń quqyq qorǵaý organdarynyń aldyna qoıǵan tapsyrmalaryn oryndaý maqsatynda keńes ótkizdi
ASTANA. Tamyzdyń 9-y. QazAqparat /Gúlmıra Álıakparova/ - Ótken senbi, tamyzdyń 7-si kúni QR Іshki ister mınıstri Serik Baımaǵanbetov, Memleket basshysy N.Nazarbaevtyń elimizdiń quqyq qorǵaý organdary basshylarynyń aldyna qoıǵan tapsyrmalaryn iske asyrý maqsatynda, Almaty qalasyndaǵy vedomstvoǵa qarasty qurylymdarmen keńes ótkizdi.
Іshki ister mınıstri Almaty qalasy men Almaty oblysy boıynsha Іshki ister departamentteriniń, Kóliktegi Ońtústik-Shyǵys ІІD-niń basshylyq quramymen jáne Almaty garnızony Іshki áskerler qurylymdarynyń qolbasshylyǵymen kezdesti.
Eske sala keteıik, tamyzdyń ótken 4-i kúni QR Prezıdenti N.Nazarbaev elimizdiń quqyq qorǵaý organdarynyń basshylarymen keńes ótkizip, Qazaqstan aýmaǵynda uıymdasqan qylmysqa qarsy, esirtki bıznesi men qarýdyń zańsyz aınalymyna qarsy kúresterdi kúsheıtý, kósheler men basqa da qoǵamdyq oryndardaǵy quqyq buzýshylyqtardyń aldyn alý, sondaı-aq jol qozǵalysy qaýipsizdigin qamtamasyz etý, ishki ister organdarynda azamattardyń aryzdaryn qarastyrý kezinde zańdylyqty saqtaý máselelerine basa nazar aýdarýdy tapsyrǵan bolatyn.
