QR Іshki ister mınıstri Elbasy tapsyrmasymen Almatyǵa ushady

ASTANA. QazAqparat - Qazaqstan Respýblıkasynyń Prezıdenti Nursultan Nazarbaevtyń tapsyrmasymen QR Іshki ister mınıstri Qalmuhanbet Qasymov Almatyǵa barady. Bul týraly Memleket basshysynyń qatysýymen ótip jatqan Qaýipsizdik Keńesiniń jedel otyrysyna qatysqan QR Premer-Mınıstri Kárim Másimov Týıtterdegi akkaýntynda jazdy.

«Memleket basshysy Іshki ister mınıstri Qasymovqa Almatyǵa ushýdy tapsyrdy», delingen jazbada.
Sondaı-aq, Úkimet basshysy qaza tapqandardyń týǵan-týystaryna kóńil aıtty.
«Qaza bolǵandardyń týǵan-týystary men jaqyndaryna qaıǵyryp kóńil aıtamyn», dep jazdy QR Premer-Mınıstri. 

Eske sala ketsek, búgin belgisiz bireýler Almatynyń birneshe aýdanynda oq atqan - qazir qalada UQKD ǵımaraty, Abylaıhan kóshesi tolyǵymen jáne Abaı dańǵyly qorshaýǵa alyndy. 
Qarýly qaqtyǵys nátıjesinde 7 polıtsııa qyzmetkeri aýrýhanaǵa tústi. Ókinishke qaraı, osy atys saldarynan bir beıbit turǵyn men úsh polıtsııa qyzmetkeri qaza tapqany habarlanyp otyr.

Shabýylshylardyń biri dereý quryqtaldy, ekinshisi keıinirek ustaldy. Sondaı-aq Almaty qalasynyń aýmaǵynda terrorıstik qaýiptiliktiń «qyzyl» deńgeıi belgilendi.