QR Іshki áskerleriniń qurylǵanyna 19 jyl toldy
ASTANA. 10 qańtar. QazAqparat - Osydan dál 19 jyl buryn, 1992 jyldyń 10 qańtarynda QR Prezıdenti Nursultan Ábishuly Nazarbaev «Qazaqstan Respýblıkasynyń Іshki áskerleri týraly» Jarlyqqa qol qoıdy.
«Bizdiń Іshki áskerler asa mańyzdy mindetterdi atqarady - olar elimizdegi ishki tártipti qamtamasyz etedi. Ásker memleketimizdiń ulttyq qaýipsizdigin nyǵaıtýǵa zor úles qosýda. Men, Elimizdiń Qarýly Kúshteriniń Joǵarǵy Bas Qolbasshysy retinde qyzmettiń qolaıly jaǵdaıda ótkerilýine, Іshki áskerlerdiń tıisti deńgeıde jabdyqtalýyna qamqorlyq jasaýǵa tyrysamyn», - degen bolatyn Elbasy Astana garnızonynyń áskerı bólimderine Jaýyngerlik Tý tapsyrý rásiminde sóılegen sózinde.
Qazirgi ýaqytta jedel maqsattaǵy áskerı bólimder polıtsııa qyzmetkerlerimen birlesip elimizdiń 18 qalasyndaǵy qoǵamdyq qaýipsizdikti qamtamasyz etedi. Tek ótken jyldyń ishinde ǵana 4503 patrýldik qyzmet mindeti oryndalyp, áskerı jasaq 110 myńnan astam quqyq buzýshyny ustap ishki ister organdaryna jetkizdi. Onyń ishinde qylmysqa qatysty kúdikpen ustalǵandardyń sany - 3495. Sondaı-aq 163 sýyq jáne 58 atý qarýy tárkilenip, jalpy salmaǵy 2,7 keli bolatyn 255 ártúrli esirtki zattary zańsyz aınalymnan alynyp tastaldy.
