QR Investıtsııalar jáne damý vıtse-mınıstri Malaızııa elshisimen ınvestıtsııalyq yntymaqtastyqty sóz etti
ASTANA. QazAqparat - Astanada QR Investıtsııalar jáne damý vıtse-mınıstri Arystan Qabykenov Malaızııa elshisi Saıd Mohammad Bakrı Saıd Abd Rahmanmen kezdesti, dep habarlaıdy primeminister.kz.
Kezdesý barysynda ekijaqty saýda-ekonomıkalyq jáne ınvestıtsııalyq yntymaqtastyqtyń kezekti máseleleri sóz boldy.
Arystan Qabykenovtiń aıtýynsha, osy ýaqytta iskerlik yntymaqtastyqty jetildirýge barlyq qajetti baza qalyptasqan, al mınıstrlik óziniń quzyretine qaraı osy ekijaqty yntymaqtastyqty keńeıte túsýge múddeli.
Qazaqstanda sońǵy 5 jylda salmaqty reformalar júzege asyrylyp, olar eldegi bıznes-ortanyń básekege qabilettiligin arttyrýǵa yqpal etti. Búkilálemdik banktiń reıtınginde Qazaqstan «Bıznesti júrgizý jeńildigi» ındeksi boıynsha 16-shy orynǵa alǵa jyljyp, 35-shi orynǵa turaqtady. Buǵan qosa, bıylǵy jyly Qazaqstan Ekonomıkalyq yntymaqtastyq jáne damý uıymynyń (EFDU) Investıtsııalar boıynsha komıtetine «assotsııatsııalanǵan múshesi» retinde kiredi. Osyǵan baılanysty ınvestıtsııalyq klımatty odan ári jetildirý baǵytyndaǵy jumystar jalǵasýda. Sonymen qatar taǵy jańa zańnamalyq jańalyqtar engizilýde.
«Biz eki memleketter arasyndaǵy yntymaqtastyqty keńeıtýge daıynbyz»,-dedi vıtse-mınıstr eksporttyq taýarlardy Maılaızııa naryǵyna kirgizýge múddeli ekendigin tanytyp.
Malaızııa elshisi Saıd Mohamad Bakrı óz kezeginde birlesken ınvestıtsııalyq jobalardy júzege asyrýǵa qyzyǵýshylyq tanytty.
