QR ınvestıtsııalar jáne damý mınıstriniń jańa orynbasary taǵaıyndaldy

ASTANA. QazAqparat - Búgin Qazaqstan Respýblıkasy Úkimetiniń qaýlysymen QR Investıtsııalar jáne damý vıtse-mınıstri bolyp Roman Sklıar taǵaıyndaldy. Osyǵan baılanysty QR Investıtsııalar jáne damý mınıstri Jeńis Qasymbek jańa vıtse-mınıstr Roman Sklıardy ujymǵa tanystyrdy, dep habarlaıdy vedomstvonyń resmı ókili Berik Ýálı Feısbýktaǵy paraqshasynda.

Ol burynǵy Investıtsııalar jáne damý vıtse-mınıstri Berik Kamalıevtiń ornyna kelip, kólik blogynyń qyzmetine (Kólik komıteti, Avtomobıl joldary komıteti, Azamattyq avıatsııa komıteti, Tranzıtti damytý jáne kólik logıstıkasy departamenti) baqylaý jasap, qyzmetin úılestirip otyratyn bolady.

Esterińizge sala keteıik, Roman Sklıar buǵan deıin QR Ulttyq ekonomıka vıtse-mınıstri bolyp qyzmet atqardy.