QR Investıtsııalar jáne damý mınıstri óz vedomostvosy arasyndaǵy mindetterdi bóldi
ASTANA. QazAqparat - QR Investıtsııalar jáne damý mınıstri Facebook-tegi paraqshasynda ózi basqaratyn vedomostvodaǵy mindetterdiń bólinýi jaıly habarlady.
«Basshylyq quramyndaǵy kadrlardyń aýys-túıisterin eskere otyryp, Qazaqstan Respýblıkasy ınvestıtsııalar jáne damý mınıstrliginiń mınıstri, jaýapty hatshysy, birinshi vıtse-mınıstri, vıtse-mınıstrleri arasyndaǵy mindetterdi bólý jónindegi buıryqqa qol qoıdym»,-dep habarlady Jeńis Qasymbek.
Qazaqstan Respýblıkasy ınvestıtsııalar jáne damý mınıstri mınıstrlik qyzmetin úılestirip otyrady jáne jalpy basshylyq jasaıdy.
Qazaqstan Respýblıkasy ınvestıtsııalar jáne damý mınıstrliginiń Birinshi vıtse-mınıstri Raý Albert Pavlovıch ónerkásip blogynyń qyzmetine baqylaý jasap, qyzmetin úılestirip otyrady:
- Indýstrııalyq damý jáne óndiristik qaýipsizdik komıteti;
- Tehnıkalyq retteý jáne metrologııa komıteti;
- Aeroǵarysh komıteti;
- Strategııalyq josparlaý departamenti (ındýstrııalyq saıasatty júzege asyrýǵa qatysty);
- Ekonomıkalyq ıntegratsııa departamenti.
Qazaqstan Respýblıkasy ınvestıtsııalar jáne damý vıtse-mınıstri
Kamalıev Berik Saılaýuly kólik blogynyń qyzmetine baqylaý jasap, qyzmetin úılestirip otyrady:
- Kólik komıteti;
- Avtomobıl joldary komıteti;
- Azamattyq avıatsııa komıteti;
- Tranzıtti damytý jáne kólik logıstıkasy departamenti.
Qazaqstan Respýblıkasy ınvestıtsııalar jáne damý vıtse-mınıstri Toqtabaev Tımýr Serikuly myna salalardyń qyzmetine baqylaý jasap, qyzmetin úılestirip otyrady:
- Geologııa jáne jer qoınaýyn paıdalaný komıteti;
- Jer qoınaýyn paıdalaný departamenti;
- Týrızm ındýstrııasy departamenti;
- Tehnologııalyq jáne ınnovatsııalyq damý departamenti.
Qazaqstan Respýblıkasy ınvestıtsııalar jáne damý vıtse-mınıstri Haırov Erlan Kártaıuly myna salalardyń qyzmetine baqylaý jasap, qyzmetin úılestirip otyrady:
- Investıtsııalar jónindegi komıtet;
- Aktıvterdi basqarý jónindegi departament;
- Syrtqy ekonomıkalyq yntymaqtastyq departamenti;
- Strategııalyq josparlaý departamenti (ındýstrııalyq saıasatty júzege asyrýǵa qatysty).
Qazaqstan Respýblıkasy ınvestıtsııalar jáne damý mınıstrliginiń jaýapty hatshysy Saǵynov Zamır Sadyquly mınıstrlik apparatyna basshylyq jasaıdy, sondaı-aq myna salalarǵa tikeleı baqylaý jasap, qyzmetin úılestirip otyrady:
- Ákimshilik jumysy departamenti;
- Strategııalyq josparlaý departamenti;
- Qarjy departamenti;
- Zań departamenti;
- Kadr jumysy departamenti;
- Qujat ázirleý jáne baqylaý departamenti;
- Aqparattyq qamtamasyz etý basqarmasy;
- Tsıfrlik transformatsııalaý basqarmasy.
«Meniń áriptesterim ózderine bekitilgen mindetterdi tabysty iske asyratyndyǵyna senemin. Barlyǵynyń jumysyna sáttilik pen tıimdilik tileımin»,-dep atap ótti mınıstr.
