«QR Investıtsııalar týraly» jańa zań jobasy Úkimettiń qaraýyna jiberildi
ASTANA. 10 jeltoqsan. QazAqparat /Arman Asqarov/ - «Qazaqstan Respýblıkasyndaǵy ınvestıtsııalar týraly» jańa zań jobasy Úkimettiń qaraýyna jiberildi. Bul týraly búgin Investorlar men kredıtorlar klýbynyń kezekti otyrysynda jastardyń óndiristik is-tájirıbe máselesine toqtalǵan QR Indýstrııa jáne jańa tehnologııalar mınıstrligi Investıtsııalar jónindegi komıtetiniń tóraǵasy Asylhan Serikov málim etti.
Onyń habarlaýynsha, búginde shıkizattyq emes sektorǵa ınvestıtsııalardy keńinen tartý salasyndaǵy zańnamany jetildirý jumysyna erekshe basymdyq berilip keledi. «Bul baǵyttaǵy negizgi qujat «QR Investıtsııalar týraly» jańa zańy bolmaq. Atalǵan zań jobasy kelisimnen ótip, búgingi tańda Úkimettiń talqylaýynda jatyr. Kelesi jyldyń basynda bul qujat Parlamenttiń talqylaýynan ótedi degen boljam bar», - deıdi A.Serikov.
Sondaı-aq komıtet tóraǵasy atap kórsetkendeı, aldaǵy ýaqytta «QR Arnaıy ekonomıkalyq aımaqtary týraly» zańnyń jańa redaktsııadaǵy nusqasyn qabyldaý josparlanyp otyr.
