QR Indýstrııa jáne jańa tehnologııalar mınıstrligi Ónerkásip komıtetiniń tóraǵasy taǵaıyndaldy
ASTANA. 22 qańtar. QazAqparat - 36 jasar Erlan Muratov QR Indýstrııa jáne jańa tehnologııalar mınıstrligi Ónerkásip komıtetiniń tóraǵasy bolyp taǵaıyndaldy, dep habarlaıdy mınıstrliktiń Aqparat basqarmasynan.
Erlan Muratuly Muratov eńbek jolyn 2000 jyly «Teńizshevroıl» JShS-niń burǵylaý bóliminde aýdarmashy bolyp bastady.
2010 jyldyń qarasha aıynan bastap ónerkásip, jerdi paıdalaný, geologııalyq barlaý jáne qazaqstandyq mazmun máseleleri boıynsha QR Premer-Mınıstriniń orynbasary - Qazaqstan Respýblıkasy Indýstrııa jáne jańa tehnologııalar mınıstriniń shtattan tys keńesshisi bolyp jumys istedi. Óndirý jáne geologııalyq barlaý salalary úshin tehnologııalyq polıgondardy qurýdy, sondaı-aq QR IJTM janyndaǵy joǵary tehnologııalyq qyzmetti qurýdy ázirlegen.
2012 jyldyń maýsym aıynda QR IJTM-niń Memlekettik energetıkalyq qadaǵalaý jáne baqylaý komıtetine memlekettik qyzmetke ótti.
2012 jyldyń qarasha aıynan bastap ónerkásip, servısti damytý jáne jergilikti mazmun máseleleri boıynsha QR Premer-Mınıstriniń orynbasary - Qazaqtan Respýblıkasy Indýstrııa jáne jańa tehnologııalar mınıstriniń keńesshisi bolyp taǵaıyndaldy.
