QR Indýstrııa jáne ınfraqurylymdyq mınıstrliginiń quzireti keńeıdi

ASTANA. QazAqparat - QR Indýstrııa jáne ınfraqurylymdyq damý mınıstrligi óz quzyretine jańa memlekettik qyzmetter qosylǵanyn málim etti, dep habarlaıdy QazAqparat mınıstrliktiń baspasóz qyzmetine silteme jasap.

Baspasóz qyzmetiniń málimetterine qaraǵanda, mınıstrliktiń geologııa, ónerkásipti damytý, azamattyq avıatsııa, qurylys jáne turǵyn úı-kommýnaldy sharýashylyǵy salalaryndaǵy memlekettik qyzmetter tizimine kelesideı tarmaqtar engizildi:

- shet elderde qyzmetkerlerdiń quzyretin arttyrýǵa arnalǵan shyǵystarǵa avans tóleý;

- ushqyshsyz ushý apparattaryn esepke qoıý;

- jer qoınaýyna geologııalyq zertteý júrgizýge lıtsenzııa berý;

- geologııalyq nemese taý-ken ýchaskelerin (otvod) berý jáne qaıta resimdeý;

- Keden odaǵynyń aıasynda geologııalyq synamalardy ýaqytsha áketýge ruqsat berý;

- jergilikti atqarýshy organdardyń turǵyn úı-qurylys kooperatıvine qatysý jónindegi kelisimsharttardy tirkeý;

- jekelegen sanattarǵa kiretin azamattarǵa jeke turǵyn úı qoryndaǵy baspananyń jalǵa alý aqysyn tóleý.

Qazir QR IIDM jańa memlekettik qyzmetterdi kórsetý tártibin aıqyndaıtyn tıisti normatıvti quqyqtyq aktilerdi qabyldaý boıynsha jumysty qolǵa aldy.

«Bul oraıda osy amal sybaılas jemqorlyq táýekelderin aldyn alýǵa septesip, memlekettik qyzmet kórsetýdiń ashyqtyǵyn qamtamasyz etetinin aıta ketken oryndy»,-delingen habarlamada.