QR Indýstrııa mınıstrliginiń sarapshysy: Shoshqa eti qosylmaıtyn shujyq bolmaıdy
ASTANA. 9 maýsym. QazAqparat - Soltústik Qazaqstan oblysynda óndirilgen «halal» shujyq ónimderine shoshqa eti qosylǵany anyqtaldy.
Óz kezeginde QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń tóraǵasy Ryskeldi Sátbaev shoshqa eti qosylmaıtyn shujyq bolmaıtynyn aıtty. Bul týralyQazTAG habarlaıdy.
«Halal» dep maquldanǵan, biraq kópshilik shujyqtyń barlyq túrine de shoshqa eti qosylatynyn bilmeıtin bolsa kerek», - dedi Sátbaev. Mundaı málimdemeni sheneýnik Halyqaralyq akkredıtatsııa kúnine arnalǵan dóńgelek ústelde sharaǵa qatysýshylar shujyq ónimderin shyǵaratyn soltústikqazaqstandyq kásiporynǵa qatysty shaǵymdaryn aıta bastaǵanda jasady.
«Taıaýda biz «halal» degen jazýmen shujyq shyǵaryp, satyp, ónimderine jarnama jasaıtyn soltústikqazaqstandyq 11 fırmany tekserdik, al olardaǵy ónimderge shoshqa eti qosylǵan bolyp shyqty. Musylman talaptaryn «halal» ónimderdegi shoshqa etiniń bar-joǵymen qalaısha baılanystyrýǵa bolady? Nelikten bulaı boldy? Óıtkeni bireý shyǵarǵan, bireý ruqsat bergen, al taǵy bireý ony ótkizip, bireý ony satyp alǵan», - dedi «Ádilet» qoǵamdyq birlestiginiń tóraǵasy Qabyken Zakarıanov.
