QR ІІM jurtshylyqty ınternettegi alaıaqtardan saqtanýdy eskertedi

Іshki ister mınıstrligi Internet jelisin paıdalanýshylardan aqsha bopsalaýmen aınalysqan tulǵalardyń alaıaqtyq áreketterine tergeý júrgizýde, dep habarlady ІІM Memlekettik til jáne aqparat departamentinen.

Bul alaıaqtyq áreketi paıdalanýshyny braýzerdiń jumysyn buǵattap tastaıtyn ınternet-resýrstaryna (Internet Explorer, Google Chrome, Mozilla Firefox, Opera jáne t.b.) baǵyttaý jolymen jasalýda.

Alaıaqtar baǵyttaǵan ınternet-resýrsyna ótken kezde braýzer buǵattalyp, Qazaqstan Respýblıkasy quqyq qorǵaý organdarynyń atynan pornografııalyq mazmundy qaraý jáne kóshirip alý sebebine baılanysty Zań buzylǵanyn habarlaıtyn mátin paıda bolady.

Buǵatty alyp tastaý úshin vırýs tólem termınaly arqyly 10-15 myń teńge kóleminde aıyppul tóleýdi talap etedi. Ony tólemegen jaǵdaıda is materıaly prokýratýraǵa joldanyp, pornografııalyq mazmundy kóshirip, saqtaǵany úshin qylmystyq jaýapkershilikke tartylatyny jóninde jazylady.

Esińizde bolsyn, memlekettik organ azamattyń kompıýterin (nemese smartfonyn) buǵattamaıdy. Taratylǵan habarlamaǵa ІІM-niń qatysy joq ekenin habarlaımyz.

Osy jaǵdaıda qalaı durys áreket jasaý qajet: bul jaǵdaıda tólem jasamańyz, eger tólem jasalsa, termınaldyń chegin saqtap qoıyp, polıtsııaǵa shaǵymdaný jáne chekti aryzǵa qosa usyný qajet; bopsalaýdyń osyndaı faktilerine tap bolsańyz az ýaqyt ishinde ishki ister organdaryna shaǵymdanyńyz;

Internet-alaıaqtar sengish adamdardy quryǵyna túsirýge tyrysady.

Internet-alaıaqtyqtyń qurbany bolmas úshin neni bilý qajet: kompıýterde kúnám týdyratyn baǵdarlamalardy qospańyz (nemese smartfonda); kúmán týdyratyn mazmundaǵy resýrstarǵa kirmeńiz (onyń ishinde jarnamalyq bannerler jáne qozǵalmaly terezeler).