QR ІІM júrgizýshiler qandaı jaǵdaılarda polıtsııa qyzmetkerlerine jeke kólikterin paıdalanýǵa berýge mindetti ekenin aıtty
ASTANA. QazAqparat - Júrgizýshiler qajet jaǵdaıda Qazaqstan polıtsııasyna jeke kólikterin ýaqytsha paıdalanýǵa berýge mindetti.
Bul týraly búgin Astanadaǵy baspasóz máslıhatynda QR ІІM Ákimshilik polıtsııa komıtetiniń basqarma basshysy Qanat Sádýaqasov málim etti. «Jol júrisi týraly» zańda qazirgi kezde kólik quraldaryn sebepsiz toqtaýǵa tyıym salynǵan, tek qana ereje buzǵanda ǵana toqtatylady. ıAǵnı, polıtseıler kólikti birinshi kezekte jol qozǵalysy erejesin buzǵanda, ekinshiden - urlanǵan kólikterdi izdestirý boıynsha jumys júrgen kezde, úshinshiden - shuǵyl kómekke zárý adamdy «jedel járdemge» jetkizý úshin jeke kólikti usyný qajettiligi bar», - dedi Q.Sádýaqasov. Aıta keteıik, jańa jol qozǵalysy qaǵıdasyna sáıkes, polıtseıler azamattardyń jeke kólikterin qylmyskerdi qýdalaýǵa, oqıǵa ornyna jetý úshin, tótenshe jáne áskerı jaǵdaı kezeńinde, sondaı-aq qarýly qaqtyǵys jaǵdaıynda, medıtsınalyq kómekke zárý adamdy shuǵyl jetkizýge paıdalana alady. Eger osy jaǵdaılarda azamattyń jeke kóligine zaqym keltirilse, Qazaqstan polıtsııasy materıaldyq shyǵynyn, sondaı-aq tutynylǵan janar-jaǵarmaıdyń ornyn toltyrady.
