QR ІІM jol júrisi erejelerine engizilgen mańyzdy túzetýlerdi túsindirdi
ASTANA. QazAqparat - QR ІІM Ákimshilik polıtsııa komıteti Qazaqstandaǵy jol júrisi salasynda jaqynda kúshine enetin ózgerister jaıynda túsindirip berdi, dep habarlaıdy QazAqparat.
Esterińizge sala keteıik, 2017 jyldyń 3 shildesinde Memleket basshysy jol júrisi salasyndaǵy zańnamany odan ári jetildirýge baǵyttalǵan «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrýlar engizý týraly» (№ 83-VI ZRK) Zańǵa(budan ári - Zań) qol qoıdy.
Zańmen Salyq kodeksine memlekettik tirkeý nómirlik belgileriniń tizbesin keńeıtý bóliginde túzetýler engizildi, jáne olardy bergeni úshin:
tsıfrlyq belgilenýi 010, 020, 030, 040, 050, 060, 070, 077, 080, 090, 707 nómirlerine -5 700 paıyz;
tsıfrlyq belgilenýimen baılanysty emes áriptik belgilenýi birdeı (AA), VVV (VV), SSS (SS), ZZZ (ZZ) tańbalarǵa- 5 700 paıyz;
áriptik belgilenýi birdeı, tsıfrlyq belgilenýi 001, 002, 003, 004, 005, 006, 007, 008, 009, 777 nómirlerge -28 500 paıyz;
áriptik belgilenýi birdeı, 100, 111, 200, ..., 999 memlekettik tirkeý nómirin bergeni úshin - 19 700 paıyz;
áriptik belgilenýi birdeı, 010, 020, 030, 040, 050, 060, 070, 077, 080, 090, 707 nómirlerine - 11 400 paıyz memlekettik bajdyń joǵarylatylǵan mólsherleri kózdeledi.
Budan bólek, Qazaqstan Respýblıkasynyń Ákimshilik quqyq buzýshylyq týraly kodeksine:
1) kólik quralyn alkogoldik masań kúıde basqarǵany úshin múgedekterdi kólik quraldaryn basqarý quqyǵynan 3 jylǵa aıyrý túrindegi ákimshilik jaýapkershilik engizildi (ÁQBtK 46-babynyń tórtinshi bóligi);
2) ÁQBtK 596-babynyń úshinshi bóligin ár túrli túsindirýde boldyrmaý maqsatynda, atalǵan norma qarsy jolaqqa shyǵý tyıym salynǵan jerlerde qarsy júrý jolaǵyna shyǵa otyryp, burylý nemese keri burylý úshin kólik quraldaryn basqarý quqyǵynan aıyrý túrindegi ákimshilik jaýapkershilikke tartý bóliginde naqtylandy(ÁQBtK 596-babynyń úshinshi bóligi);
3) jol belgilerimen nemese joldyń júrý bóligindegi tańbalarmen kórsetilgen talaptardy saqtamaǵany úshin aıyppul mólsheri 5-ten bastap 3 AEK-ke deıin qysqartyldy (ÁQBtK 601-babynyń birinshi bóligi);
4) masań kúıin kýálandyrýdan ótýden bas tartqan úshin júrgizýshi kýáliginen aıyrý merzimi 2 jyldan 3 jylǵa deıin kóbeıtildi(ÁQBtK 613-babynyń tórtinshi bóligi);
5) ishki ister organdarynyń, áskerı polıtsııanyń qyzmetkeri toqtatqan jaǵdaıda onyń ruqsatynsyz jolaýshyǵa kólik quralynan shyǵap ketkeni úshin jaýapkershilik alynyp tastalyndy (ÁQBtK 613-babynyń on ekinshi bóligi).
Munymen qosa, «Jol júrisi týraly» Zańda túngi ýaqytta (saǵat 23-ten tańǵy 06 saǵatqa deıin) qalaaralyq, aýdanaralyq qatynastarda avtobýstarmen turaqty emes tasymaldaýlar arqyly jolaýshylardy tasymaldaýǵa tyıym salý alynyp tastalyndy.
Ákimshilik kedergilerdi tómendetý maqsatynda júrgizýshi kýáliginiń merzimi ótip ketken jaǵdaıda júrgizýshi kýáligin aıyrbastaý kezinde jol júrisi qaǵıdalaryn bilýin tekserý úshin emtıhan tapsyrý jónindegi mindettilik joıylady.
«D» (avtobýstar) sanatyndaǵy kólik quralyn basqarý úshin áskerı qyzmetshilerdiń jasy 19-dan 18 jasqa tómendetildi.
Іshki ister organdary qyzmetkerleriniń is-áreketin tirkeý úshin kólik quralyn toqtatqan jaǵdaıda júrgizýshilerge foto- jáne beınejazba júrgizý quqyǵy berildi.
Kólik quralyn toqtatqannan keıin polıtsııanyń: dereý jaqyndap kelýi, ózin tanystyrýy, júrgizýshiniń talap etý boıynsha qyzmettik kýáligin kórsetýi, toqtatý sebebin túsindirý, radardyń (qoldanylǵan jaǵdaıda) derekterin kórsetý mindeti belgilendi.
Kólik quralyn toqtatqan polıtsııa qyzmetkerleriniń zańdy talabyn oryndaý boıynsha júrgizýshiniń mindeti belgilendi.
Ýákiletti organnyń laýazymdy tulǵalaryna jol júrisi salasynda nusqamalar shyǵarý boıynsha quzyret berildi, buryn osyndaı ókilettilik jol júrisi qaýipsizdigin qamtamasyz etý jónindegi bas memlekettik ınspektorǵa ǵana berilgen bolatyn.
Quqyqtyq naqtylaý maqsatynda Zańnyń 52-babynyń eskertýinde kólik quralyn toqtatý negizdemeleriniń biri bolyp tabylatyn «arnaıy is-sharalar» uǵymynyń mazmuny ashylyp engizildi(«arnaıy is-sharalar»- quqyq qorǵaý jáne arnaýly memlekettik organdar júrgizetin jedel-profılaktıkalyq, jedel-izdestirý, kúzet is-sharalary jáne terrorızmge qarsy operatsııalar).
Kólik quralyna aerografııa salý boıynsha tyıym salý alynyp tastalyndy.
«Tm» sanatyndaǵy (tramvaı) kólik quraldaryn basqarý quqyǵyn alý úshin úmitkerler jasy tómendetildi (25 jastan 21 jasqa deıin) jáne basqa kólik quralyn basqarý tájirıbesi bar bolý qajettigi týraly talap alynyp tastalyndy.
Jaıaý júrginshiler ótkelinen velosıpedpen júrýge tyıym salyndy.
Eýrazııalyq ekonomıkalyq odaqqa múshe memleketterdiń azamattaryna kásipkerlik qyzmet nemese ózge de eńbek qyzmetin júzege asyrǵan kezde halyqaralyq nemese sheteldik júrgizýshi kýáliginiń negizinde kólik quralyn basqarýǵa ruqsat berildi.
«2018 jyldyń 1 qańtarynan bastap qoldanysqa engiziletin, ıaǵnı berilgeni úshin memlekettik bajdyń joǵarylatylǵan mólsherlerin kózdeıtin memlekettik tirkeý nómirlik belgileriniń tizbesin keńeıtýge qatysty Salyq kodeksine túzetýlerdi qospaǵanda, Zańnyń erejeleri 2017 jyldyń 15 shildesinen bastap qoldanysqa engiziledi», - dep atap ótilgen baspasóz qyzmetiniń málimetinde.
