QR ІІM Jol polıtsııasy komıtetiniń bastamasymen kólik quraldaryn tirkeý rásimi jeńildetildi
ASTANA. 14 qyrkúıek. QazAqparat - 2011 jyldyń basynda Qazaqstan Respýblıkasynyń ІІM Jol polıtsııasy komıtetiniń bastamasymen kólik quraldaryn tirkeý rásimi jeńildetildi: tirkeýge negiz bolatyn esep-anyqtama alyp tastaldy, kólik quraldaryn satý-satyp alý qarapaıym aýyzsha jáne jazbasha shart kelisim formasy engizildi, dep habarlaıdy Qazaqstan Respýblıkasy ІІM Jol polıtsııasy komıteti.
Eger buryn azamat óz menshigine avtokólikti aýdarý úshin komıssıondyq dúkende esep-anyqtama nysanyn nemese satý-satyp alý kelisimin notarıaldy túrde 5-8 myń teńge jumsap, rásimdeıtin bolsa, onda qazir bunyn bári qajet emes, osy protsedýralardy jol polıtsııasynyń bólimshelerinde eshqandaı aqysyz rásimdeýge bolady.
Qazirgi ýaqytta Jol polıtsııasy komıtetimen tirkeý-emtıhan bólimshelerinde halyqqa qyzmet kórsetý úshin qolaıly jaǵdaılardy jasaý boıynsha odan ári jumys júrgizilýde. Jol polıtsııasymen Memlekettik qyzmet kórsetýler boıynsha servıstik ortalyqtardy qurý máseleleri qarastyrylýda.
Sonymen qatar halyqqa qyzmet kórsetý jol polıtsııasy qyzmetkerlerimen jáne Servıstik ortalyq jumyskerlerimen iske asyrylady, sondaı-aq Servıstik ortalyq jumyskerlerine qosymsha mindetter júkteledi (keńes berý, qujattardy qabyldaý, ótinishter blankilerin toltyrý).
Sonymen qatar, Baılanys jáne aqparat mınıstrligimen birlesip, memlekettik qyzmet túrleriniń áleýmettik mańyzdy retinde kólik quraldaryn tirkeý jáne júrgizýshi kýálikterin berý boıynsha memlekettik qyzmetterdi avtomattandyrý boıynsha sharalar qabyldanýda.
Atalǵan memlekettik qyzmetterdi avtomattandyrý memlekettik qyzmetti alý úshin ótinishti elektrondy túrde jasaý jáne berýdi, jáne ótinish ıesiniń aqparattaryn óńdegennen keıin ony elektrondy kezekke qoıýdy qarastyrady.
Ári qaraı ótinish ıesi ornatylǵan elektrondy kezekke sáıkes memlekettik qyzmet alý úshin tirkeý-emtıhan pýnktine belgilengen ýaqytta kelýi kerek.
Osyndaı rásim túri avtokólikti tirkeý jáne júrgizýshi kýálikterin berý boıynsha memlekettik qyzmet kórsetý merzimin edáýir qysqartýǵa múmkindik beredi.
