QR ІІM jol ınspektsııasyndaǵy paraqorlyqpen qalaı kúresip jatyr
ASTANA. QazAqparat - QR ІІM Ákimshilik polıtsııa komıteti tóraǵasynyń orynbasary Álibek Keńispaev Іshki ister mınıstrligi jol saqshylarynyń jumysyna baılanysty jemqorlyqpen qalaı kúresip jatqanyn aıtty, dep habarlaıdy «QazAqparat» HAA tilshisi.
«Birinshiden, jol boıynda polıtsııa qyzmetkerleriniń sany edáýir azaıdy. Eger buryn jolda erejelerdiń saqtalýyn 12 myń polıtsııa qyzmetkeri baqylaýǵa alsa, búgingi tańda jolda tek avtopatrýlder ǵana zańnyń buzylmaýyn qadaǵalap júr. ıAǵnı, bul - 3,5 myńǵa jýyq avtopatrýl qyzmetkeri. Demek, joldyń boıynda tártipti qadaǵalaıtyn ınspektorlar sany birneshe esege azaıdy», - deıdi Álibek Keńispaev.
Ákimshilik polıtsııa komıteti tóraǵasynyń orynbasarynyń aıtýyna qaraǵanda, vıdeoregıstratorlardyń jumysyn kúsheıtý arqyly da aıtarlyqtaı shara qolǵa alynǵan.
«Ekinshiden, vıdeoregıstratorlar boıynsha. Qazirgi ýaqytta biz kóliktiń ishin de, syrtyn da túsire alatyn vıdeoregıstratorlardy ornattyq. Eger kóliktiń ishinde (polıtsııa qyzmetkeriniń kóliginde - avt.) zań buzylsa, júrgizýshi jaqyn aradaǵy kezekshi bólimge nemese senim telefonyna birden habar bere alady. Buǵan qosa eger vıdeoregıstrator dál sol ýaqytta (júrgizýshiniń kýáligin polıtsııa kóliginiń ishinde tekserý barysynda - avt.) jumys istemese, atalǵan jaǵdaı boıynsha da tekserý júrgiziledi. Eger osy tekserý kezinde vıdeoregıstratordyń ádeıi sóndirilgeni anyqtalsa, onda jol saqshysynyń ózine qatysty tártiptik jaza qoldanylady», - deıdi Álibek Keńispaev.
