QR ІІM jeke kýálikterdi ýaqytynda aýystyrýdy eskertti
ASTANA. QazAqparat - QR Іshki ister mınıstrligi 2009 jyldan bastap berilgen elektrondy aqparat tasymaldaýshysy bar jeke kýálikterdi ýaqytynda aýystyrý qajettigin eskertedi, dep habarlaıdy QazAqparat tilshisi.
QR ІІM málimetinshe, 2009 jyldan bastap Qazaqstanda el azamattaryna jeke basty kýálandyratyn bıometrııalyq qujat berile bastady. Halyqaralyq standarttarǵa sáıkes, olardyń jaramdylyq merzimi 10 jyldy quraıdy jáne kelesi jyly aıaqtalady.
«Osyǵan oraı ІІM jaramdylyq merzimi aıaqtalatyn jeke basty kýálandyratyn qujatty der kezinde aýystyrý qajettiligin eskertedi. Qujatty respýblıka aýmaǵyndaǵy kez kelgen Halyqqa qyzmet kórsetý ortalyǵynda aýystyrýǵa bolady. Sonymen qatar, qujattyń eski úlgisin jańasyna (daıyndaýdyń jańa tehnologııasyna sáıkes túri ózgertilgen) aýystyrýǵa nıet bildirgen jaǵdaıda ony HQKO-ǵa barmaı-aq «elektrondy úkimet» portaly arqyly suranys jiberip rásimdeýge bolady», - delingen vedomstvo habarlamasynda.
Eskerte keterligi, qoldanystaǵy qujatty jańasyna rásimdeýge burynǵy jaramdylyq merziminiń aıaqtalýyna 1 aı qalǵan kezde ǵana ruqsat beriledi. Mundaı shara azamattarǵa yńǵaıly bolý úshin jasalyp otyr.
