QR ІІM jańa oqý jylynyń bastalýyna oraı joldaǵy tártipti qatań baqylaýǵa almaq
NUR-SULTAN. QazAqparat – QR Іshki ister mınıstrliginiń ókilderi jańa oqý jylynyń bastalýyna oraı ata-analardy balalarynyń júris-turysyna muqııat bolý qajettigin eskertti. Bul týraly mınıstrlik óziniń Facebook-tegi paraqshasynda jazdy.
«Oqý jylynyń bastalýyna nebári 3 apta ýaqyt qaldy. Myńdaǵan búldirshinimiz mektep tabaldyryǵyn attamaqshy. Osyǵan oraı polıtsııa qyzmetkerleri ata-analardan kishkentaı balalaryna jolda júrý erejelerin túsindirýdi, joldan ótý kezinde eresekterdiń kómegimen baǵdarsham arqyly nemese jaıaý júrginshilerge arnalǵan jolaqtan ótý qajettigin úıretýdi suraıdy»,-delingen habarlamada.
Sondaı-aq mınıstrliktiń habarlamasynda Shymkent qalasy Polıtsııa departamentiniń bastyǵy polıtsııa polkovnıgi Eraly Jýmahanbetovtiń bastamasymen Shymkent qalasy aýmaǵynda jol qaýipsizdigi deńgeıin kóterý maqsatynda 2018 jyldyń qyrkúıeginen bastap qaladaǵy iri kóshe qıylystarynda jáne 147 mekteptiń aldyndaǵy jaıaý júrginshilerge arnalǵan jolaqtardyń aldynda Jergilikti polıtsııa qyzmeti basqarmasynyń jáne patrýldik polıtsııa polkiniń qyzmetkerleri 3 aýysymmen kezeshilik eteetindigi aıtylǵan.
«Bul bastama óz jalǵasyn tabatyn bolady. Jol qaýipsizdigi saqtaý - bárimizdiń ortaq mindetimiz»,-delingen mınsıtrlik taratqan aqparatta.
