QR ІІM zańsyz saqtalǵan atys qarýyn satyp alý aktsııasy 15 sáýirden bastalatynyn habarlady

ASTANA. QazQoǵamdyq qaýipsizdikti qamtamasyz etý, atys qarýy men jarylǵysh zattardy qoldana otyryp jasalatyn qylmystar men quqyq buzýshylyqtardyń aldyn alý maqsatynda 2016 jylǵy 15 sáýirden bastap, respýblıka aýmaǵynda halyqta zańsyz saqtalýdaǵy atys qarýyn, oq-dáriler men jarylǵysh zattardy satyp alý boıynsha kezekti aktsııa ótkiziledi, dep habarlady QR ІІM baspasóz qyzmetinen.

Bul is-shara Qazaqstan Respýblıkasy Іshki ister mınıstriniń 2015 jylǵy 27 naýryzdaǵy № 266 buıryǵymen bekitilgen Zańsyz saqtalǵan atys qarýyn, oq-dárini jáne jarylǵysh zattardy azamattardyń erikti túrde ótemdi tapsyrý qaǵıdalaryna sáıkes júrgiziletin bolady.

Qarý-jaraq zattaryn erikti túrde tapsyrǵany úshin respýblıkalyq bıýdjetten qarýdyń ár birligine onyń tehnıkalyq jaı-kúıine baılanysty somasy onnan júzge deıingi aılyq eseptik kórsetkish tólem kózdelgen.

Atys qarýy, oq-dárilerdi jáne jarylǵysh zattardy qabyldaý árbir aýmaqtyq ishki ister organdarynda komıssııalyq túrde júrgiziletin bolady.

Erikti túrde tirkelmegen atys qarýy, oq-dárilerdi jáne jarylǵysh zattardy tapsyrǵan adamdar qylmystyq jáne ákimshilik jaýapkershikke tartylýdan bosatylady.