QR ІІM zańsyz ań aýlap, aǵash keskenderdiń dúnıe-múlkin tárkilemek
ASTANA. QazAqparat - Aǵymdaǵy jyl basynan beri tabıǵatty qorǵaý zańnamasyn buzý boıynsha 400 qylmystyq quqyq buzýshylyq tirkeldi.
Bul jaıynda QR ІІM Memlekettik til jáne aqparat departamentiniń dırektory Almas Sádýbaev Feısbýktegi óziniń paraqshasynda jazdy, dep habarlaıdy QazAqparat.
«Jyldyń basynan beri tabıǵatty qorǵaý zańnamasyn buzýdyń shamamen 3 myń deregi anyqtalyp, 400 qylmystyq quqyq buzýshylyq tirkeldi. Shamamen 2 myń quqyq buzýshy ákimshilik jaýapkershilikke tartyldy. Aqbókenge brakonerliktiń 6 fakti boıynsha 10 adam ustaldy», - dep jazdy ol.
Onyń atap ótýinshe, Іshki ister mınıstrligi tabıǵat zańnamasyn buzǵany úshin jaýapkershilikti qatańdatý maqsatynda Qylmystyq jáne Ákimshilik kodeksterge ózgerister men tolyqtyrýlar engizýge bastamashylyq jasaǵan.
«Atap aıtqanda, zańsyz ańshylyq jasalǵan qarýlar tizimin keńeıtý usynylady. Zańsyz ań aýlaý, sırek kezdesetin ańdardy ustaý, aǵashtardy kesý jáne joıǵany úshin múlkin tárkileý jazasyn qarastyrý», - dedi Almas Sadýbaev.
