QR ІІM vokzaldar men áýejaılarda qaýipsizdik sharalaryn kúsheıtti (FOTO)
ASTANA. QazAqparat - QR ІІM kóliktegi ІІD Qazaqstannyń temirjol vokzaldary men áýejaılarynda qaýipsizdik sharalaryn kúsheıtti. Bul týraly vedomstvonyń baspasóz qyzmetinen habarlady.
Kóliktegi ІІD 16 myń km-den astam temir jolǵa qyzmet etedi, sonyń ishinde 303 temirjol vokzaly, 18 áýejaı bar. 18 áýejaıdyń 16-sy halyqaralyq mańyzdaǵy nysandar.
18 qarashada departamenttiń ákimshilik polıtsııa basqarmasynyń qyzmetkerleri Astana qalasynyń temirjol vokzalynda turǵyndardyń qaýipsizdigin qamtamasyz etý boıynsha jedel-aldyn alý sharalaryn ótkizdi.
«Eldiń temirjol vokzaldary men áýejaılarynda polıtsııa jasaǵy bekitildi. Olar únemi qyzmettik-izdestirý ıtterin tartyp, «Áskerılendirilgen temirjol kúzeti» AQ jáne áýejaılardyń AQQ qyzmetkerlerimen birlesip qaýipsizdikti qamtamasyz etý úshin mindetterin atqarýda. Áýejaılardyń tekserý qyzmeti kelip-ketip jatqan jolaýshylardy táýlik boıy muqııat tekserip jatyr», - dedi ákimshilik polıtsııa basqarmasynyń bastyǵy Nurlan Sadyqov.
N. Sadyqov atap ótkendeı, tekserýdiń birinshi jelisi Astana, Almaty, Aqtóbe, Aqtaý, Atyraý, Jambyl, Shymkent, Zaşıta, Qostanaı, Kókshetaý áýejaılarynda ornatyldy. Ózge áýejaılarda da tekserýdiń birinshi jelisin ornatý josparlanǵan.
