QR ІІM vıtse-mınıstri Semeıde sý tasqyny jaǵdaıymen tanysty
SEMEI. QazAqparat - Semeıde muz keptelisiniń saldarynan Ertis ózeni arnasynan shyǵyp, turǵyn úılerge qaýip tóndirýde. Osyǵan baılanysty qurylǵan jedel-shtab músheleri aımaqty tikushaqpen aralap shyqty, dep habarlaıdy QazAqparat.
Semeıge arnaıy kelgen QR ІІM vıtse-mınıstri ıÝrıı Ilın, qala ákimi Ermak Sálimov, oblystyq TJD basshysy Nurlan Madıarov jáne Ertis basseındik ınspektsııasynyń ókilderi tikushaqpen Ertis ózeni qaýip tóndirýi múmkin aýmaqtardy aralady. Nátıjesinde mamandar ózende keptelip qalǵan seńdi jasandy jolmen jarý kerektigin sheshti. Qazir atalǵan jumystar qolǵa alynýda.
Osy ýaqytqa deıin Túıemoınaq araly aýdanynan 97 adam qaýipsiz jerge kóshirildi. Onyń ishinde 6 adam úılerin tastap ketýden bas tartqan. Qazir evakýatsııalanǵan turǵyndar qaladaǵy eki qonaqúıge ornastyrylýda.
«Qazirgi ýaqytta jaǵdaı birqalypty. Qaýipsiz jerge kóshirilgen turǵyndarmen sóılestik. Qajet bolsa medıtsınalyq, psıhologııalyq kómek kórsetiledi. Zardap shekkenderge ystyq tamaq berilýde. Túıemoınaq araly aýdanynda turatyn turǵyndardyń tizimin anyqtap jatyrmyz. Oqıǵa ornynda qala ákimi men tótenshe jaǵdaı basqarmasynyń mamandary jumys istep jatyr. Jaǵdaı jergilikti bılik ókilderiniń baqylaýynda. Azamattyq qorǵanys qyzmetteri tolyqtaı daıyn», - dedi Semeı qalacy ákiminiń azamattyq qorǵanys jáne jumyldyrý daıyndyǵy jónindegi kómekshisi Berik Túsipov.
Aıta keteıik, búgin tańerteń Ertis ózeni deńgeıinen kóterilip, jaǵalaýǵa jaqyn aýdandar men kentterge qaýip tóndirgen edi. Qazir jergilikti atqarýshy organdar men qutqarý bólimderiniń barlyq kúshteri sý basqan Túıemoınaq araly aýdanyndaǵy «Qyran uıasy» jáne «Bıologııalyq ortalyqqa» deıingi joldyń boıynda aldyn alý jumystaryn júrgizýde. Oǵan 35 adam men 10 tehnıka jumyldyryldy.
Túıemoınaq aralyna aparatyn jolǵa jol-patrýldik polıtsııasynyń beketi qoıyldy. Polıtseıler aralda turmaıtyn turǵyndardy ol jaqqa jibermeıdi. Sý deńgeıi baqylanyp otyr. Sondaı-aq, qalalyq Tótenshe jaǵdaılar qyzmetkerleri sý basý qaýpi bar Shyǵys, Mırnyı kentterindegi úılerdi aralap, túsindirý jumystaryn júrgizip jatyr.
