QR ІІM úzdik shyǵarmashylyq jumystarǵa baıqaý jarııalady
ASTANA. QazAqparat - QR Іshki ister mınıstrligi qazaqstandyq polıtsııa týraly úzdik shyǵarmashylyq jumystarǵa baıqaý jarııalaıdy, dep habarlaıdy QazAqparat.
«Іshki ister mınıstrligi ishki ister organdarynyń 25 jyldyǵyn merekeleý aıasynda qazaqstandyq polıtsııa týraly «Úzdik promorolık», «Úzdik fotokontent» jáne «Úzdik PR-maqala» atalymdarynda úzdik shyǵarmashylyq jumysqa baıqaý jarııalaıdy. Baıqaýdyń basty maqsaty jastardy patrıottyq tárbıeleý, polıtseı kásibine qatysty oń kózqarasty joǵarylatý, shyǵarmashylyq jumystar arqyly polıtsııa qyzmetkerleriniń jumystaǵy qyzyqty tustaryn, qyzmetter dástúrin ashý, qyzmettik mindetterin oryndaý kezinde qaza tapqan qyzmetkerler men áskerı qyzmetshilerdi máńgi este saqtaý», - dep jazdy QR ІІM Memlekettik til jáne aqparat departamentiniń dırektory Almas Sadýbaev óziniń Feısbýktegi paraqshasynda.
Onyń aıtýynsha, baıqaýdyń jeńimpazyn ınternet qoldanýshylar ózderi anyqtaıtyn bolady. Utysty oryndar Qazaqstan Respýblıkasy Іshki ister mınıstrliginiń áleýmettik jelilerdegi resmı paraqshalaryndaǵy daýys berýler negizinde anyqtalady. Jeńimpazdarǵa dıplomdar men qundy syılyqtar tabys etiledi.
Baıqaý 2017 jylǵy 1-31 mamyr aralyǵynda ótkiziledi.
