QR ІІM uıaly telefonǵa kelip jatqan SMS-ke túsinik berdi
«Qazir azamattarǵa naqty turǵylyqty jeri boıynsha tirkelý qajettigi týraly SMS-habarlamalar kelip jatyr. Muny Іshki ister mınıstrligi 1414 sall-ortalyǵy arqyly búginde turǵylyqty jeri boıynsha tirkelmegen, ıaǵnı tirkeýden shyǵarylǵan adamdarǵa jiberip jatyr.
Mundaı SMS-ti alǵan azamat turǵylyqty mekenjaıy boıynsha tirkelýi qajet. Eger siz SMS alǵan kezde tirkeýdi rásimdep qoıǵan bolsańyz, sizge bul týraly 1414 call-ortalyǵyna habarlaýdyń nemese qońyraý shalýdyń qajeti joq, óıtkeni bul – habarlaý sıpatynda jasalyp jatqan shara», - delingen vedomstvo málimetinde.
Turǵylyqty jeri boıynsha tirkelmegen azamattarǵa ákimshilik jaýapkershilik qarastyrylǵany eskertilip otyr.
«Turǵyndardy tirkemegeni úshin turǵyn úı ıelerine de osyndaı jaýapkershilik júkteledi. Sondyqtan, eger menshik ıesi turǵylyqty jeri boıynsha tirkeýden bas tartsa, kóshi-qon qyzmetine habarlaýdy suraımyz», - delingen mınıstrlik habarlamasynda.
