QR ІІM TJK: Órt sóndirýshiler de sý aıyndarynda qutqarý jumystaryna jumyldyryldy
ASTANA. QazAqparat - Órt sóndirýshiler de sý aıyndarynda qutqarý jumystaryna jumyldyryldy. Bul týraly búgin QR ІІM Tótenshe jaǵdaılar komıtetiniń resmı ókili Rýslan Imanqulov málim etti.
«Sý aıdyndarynda aldyn alý is-sharalaryn kúsheıtý úshin qosymsha órt sóndirýshiler de osy jumysqa kiristi. Olar mereke jáne demalys kúnderi jedel qutqarý jasaqtarynyń qyzmetkerlerimen birge adamdar jappaı demalatyn oryndardy sholǵyndaý jáne aldyn alý jumystaryna júrgizedi», - dedi R.Imanqulov.
Resmı ókil derekterine sáıkes, elimizdiń sý aıdyndarynda adamdardyń qaza bolýyna jol bermeý maqsatynda Tótenshe jaǵdaılar komıtetiniń aýmaqtyq organdary sýǵa shomylý kezeńinde adamdardyń qamtamasyz etýge baǵyttalǵan sharalar keshenin ótkizgen. Jalpy sany 1279 qutqarýshy quraıtyn jedel qutqarý jasaqtary qyzmet atqarýdyń kúsheıtilgen rejimine kóshirilgen.
«Sý aıdyndaryndaǵy tótenshe jaǵdaılarǵa jedel den qoıý jáne shuǵyl túrde jumysqa kirisý úshin 254 birlik avtomobıl men qutqarý tehnıkasy, 550 birlik júzý quraly, 1650 birlik súńgýir qural-jabyqtary daıyn tur», - dedi ol.
