QR ІІM TJK ókilderi órt qaýipsizdigine tekserý qalaı júrgiziletinin túsindirdi
ASTANA. QazAqparat - Qazaqstanda 2 sáýirden bastalatyn buqaralyq nysandardy jospardan tys tekserý jumysynda qandaı basty baǵyttarǵa mańyz beriledi? Bul suraqqa búgingi ótken brıfıngte QR ІІM TJK Órt qaýipsizdigi salasynda baqylaý jáne profılaktıkalyq qyzmet basqarmasy memlekettik órt baqylaý bóliminiń bastyǵy Rústem Ysqaqov jaýap berdi, dep habarlaıdy «QazAqparat» HAA tilshisi.
«Qazirgi ýaqytta prokýratýranyń tapsyrmasymen órt týyndaý yqtımaldylyǵy zor buqaralyq nysandardy órt qaýipsizdigine tekserý jumysyn bastaǵaly jatyrmyz. Tekserý jumystary barysynda eń birinshi kezekte órt týyndaǵan jaǵdaıda adamdardy qaýipsiz evakýtsııalaýǵa jaǵdaı jasaý jaǵyna basa mańyz beriledi. Bul - bir. ıAǵnı, evakýatsııalyq shyǵý joldarynyń jobalyq sany, esikti ishinen kiltsiz ashý múmkindigi, evakýatsııa jolyna shyǵatyn qosymsha esikterdiń bary anyqtalady. Ekinshiden, órttiń jyldam taralýyna sebep bolatyn zattardy alyp tastaý, elektrotehnıkalyq qurylǵylardy durys qoldaný jaǵy tekseriledi», - deıdi Rústem Ysqaqov QR ІІM TJK-da ótken brıfıng barysynda.
Onyń aıtýynsha, úshinshiden, adamdar órt týraly habar bere alatyn júıelerdiń jumys isteýi, órtti erte anyqtaý men sóndirýge bolatyn amaldar saralanady.
«Tórtinshiden, órtti ýaqtyly ári sátti sóndirý boıynsha jasalǵan jaǵdaıdyń bolýyn qaraımyz. Bul rette nysanǵa kirý joldarynyń bolýy, órtke qarsy sý júıesiniń jumys qabileti tekserilmek. Sonymen qatar, tekserý barysynda halyqqa qyzmet kórsetýshi personaldar órt qaýipsizdigi boıynsha oqytylady. Buǵan biz erekshe nazar aýdaryp otyrmyz. Demek, árbir tekserý kezinde biz personaldarmen nusqaý jumystaryn júrgizemiz. Osyndaı tekserýler adamdar kóptep baratyn iri saýda nysandarynda júrgiziledi», - dedi ol.
TJK ókiliniń keltirgen málimetine sáıkes, 2017 jyly 818 buqaralyq nysan órt qaýipsizdigine tekserilip, tekseris nátıjesinde 4 myńǵa jýyq buzýshylyq anyqtalǵan. Barlyq jaǵdaı boıynsha eskertý nemese ákimshilik shara qoldanylǵan.
«Jumys nátıjesi kórsetip otyrǵandaı, bizdiń taraptan berilgen eskertýlerdiń 80 paıyzy boıynsha nysan ıeleri shara qabyldaıdy. Jospardan tys tekserý nysandardyń órt qaýipsizdigine qanshalyqty daıyn ekenin kórsetip beredi dep otyrmyz», - dep túıdi R.Ysqaqov.
