QR ІІM TJK Astana mańynda ushaq apatqa ushyrady degen jalǵan aqparat taratqandardy anyqtamaq
ASTANA. QazAqparat - QR ІІM Tótenshe jaǵdaılar komıteti Astana mańynda ushaqtyń apatqa ushyraǵandyǵy jaıynda aqparatty joqqa shyǵardy. Bundaı málimdemeni búgin baspasóz máslıhatynda atalǵan komıtettiń resmı ókili Rýslan Imanqulov jasady.
«Aqmola oblysy Tótenshe jaǵdaılar departamentiniń jedel toptary osy aqparat boıynsha atalǵan tóńirekti tekserip keldi. Qazirgi kezde olar ózderiniń jumys oryndaryna oralyp, bundaı faktiniń bolmaǵanyn habarlady», - dedi resmı ókil.
Osy oraıda ol bul jalǵan aqparat ádeıi taratylǵan bolsa, onda Іshki ister mınıstrligimen birlese teris aqparat taratqan adamdy anyqtaý úshin tıisti sharalar qabyldanatynyn atap ótti.
«Bireý telefon shalyp, jedel topty kezekshiligindegi jumysynan bólip, tóńirekti tekserýge sebepshi boldy. Degenmen de málimetterdi tekserý bizdiń mindetimiz ǵoı», - dedi R. Imanqulov.
