QR ІІM TJ komıteti Qutqarýshylar kúni merekesin atap ótti
ASTANA. QazAqparat - Búgin Qazaqstan Respýblıkasy Іshki ister mınıstrligi Tótenshe jaǵdaılar komıtetiniń qyzmetkerleri ózderiniń kásibı merekesi - Qutqarýshylar kúnin atap ótti, dep habarlaıdy atalǵan mekemeniń baspasóz qyzmeti.
Qazaqstan Respýblıkasynyń Prezıdenti - Ult Kóshbasshysy N.Á. Nazarbaev 1995 jylǵy 19 qazanda tótenshe jaǵdaılar jáne Azamattyq qorǵanys salasyndaǵy ýákiletti ortalyq atqarýshy organdy qurý týraly Jarlyqqa qol qoıdy. Bul TJ-nyń aldyn alý jáne olardy joıýdyń tıimdi júıesin qurý isindegi sheshýshi sát boldy.
Saltanatty is-shara «Astana» ulttyq sýret galereıasynyń kontsert zalynda ótti, oǵan Qazaqstan Respýblıkasy Іshki ister mınıstrliginiń basshylary men qyzmetkerleri, Tótenshe jaǵdaılar komıtetiniń basshylyǵy, QR ІІM TJ komıteti ortalyq apparatynyń, aýmaqtyq organdary men vedomstvolyq baǵynysty uıymdarynyń qyzmetkerleri, TJ júıesiniń ardagerleri men buqaralyq aqparat quraldarynyń ókilderi qatysty.
Іs-sharada QR Іshki ister mınıstri, general-leıtenant Q.N. Qasymovtyń Qutqarýshylar kúnimen quttyqtaý sózi oqyldy, ol qutqarýshylar mamandyǵy - eń basty mindeti adamdar ómirin qutqarý bolyp tabylatyn joǵary jáne jaýapty mıssııa ekenin atap ótti. Erjúrektik, batyldyq jáne abyroı - kúndelikti jumysta jáne eń qıyn jaǵdaılarda tanylatyn árbir qazaqstandyq qutqarýshyǵa tán qasıetter.
Kásibı mereke qurmetine tótenshe jaǵdaılardyń aldyn alý jáne olardy joıý memlekettik júıesin damytý men nyǵaıtýǵa belsene qatysqany, Qazaqstan Respýblıkasyndaǵy tynys-tirshilik qyzmetiniń qaýipsizdigin qamtamasyz etý isinde jetken jetistikteri úshin Komıtettiń kózge túsken qyzmetkerleri «Tótenshe jaǵdaılardyń aldyn alýda jáne joıýda úzdik shyqqany úshin» medaldarymen, «Tótenshe jaǵdaıdaǵy erligi úshin», «Tótenshe jaǵdaılar júıesin damytýǵa qosqan úlesi úshin», III dárejeli «Qutqarýshy», «Úzdik qutqarýshy - jaýynger» tósbelgilerimen nagradtaldy.
Saltanatty is-shara sońynda merekelik kontsert ótti.
Qutqarýshy kúnine arnalǵan is-shara respýblıkanyń barlyq oblystarynda ótti, sondaı-aq vedomstvolyq nagradalar berý rásimi ótti.
