QR ІІM Tótenshe jaǵdaılar komıtetiniń qyzmetkerleri kásibı merekeleri - Qutqarýshylar kúnin atap ótti
ASTANA. QazAqparat - «Qazaqstan Respýblıkasy Іshki ister mınıstrligi Tótenshe jaǵdaılar komıtetiniń qyzmetkerleri ózderiniń kásibı merekesi - Qutqarýshylar kúnin atap ótti, dep habarlady komıtettiń baspasóz qyzmetinen.
Saltanattyn sharada QR Іshki ister mınıstri, general-leıtenant Q.N. Qasymovtyń Qutqarýshylar kúnimen quttyqtaýy oqyldy.
Sondaı-aq, tótenshe jaǵdaılardyń aldyn alý jáne olardy joıý memlekettik júıesin damytý men nyǵaıtýǵa belsene qatysqany, Qazaqstan Respýblıkasyndaǵy tynys-tirshilik qyzmetiniń qaýipsizdigin qamtamasyz etý isinde jetken jetistikteri úshin Komıtettiń kózge túsken qyzmetkerleri «Tótenshe jaǵdaılardyń aldyn alýda jáne joıýda úzdik shyqqany úshin» medaldarymen, «Tótenshe jaǵdaıdaǵy erligi úshin», «Tótenshe jaǵdaılar júıesin damytýǵa qosqan úlesi úshin», III dárejeli «Qutqarýshy», «Úzdik qutqarýshy - jaýynger» tósbelgilerimen marapattaldy.
aıta ketken jón, QR Prezıdenti - Ult Kóshbasshysy N.Á. Nazarbaev 1995 jylǵy 19 qazanda tótenshe jaǵdaılar jáne Azamattyq qorǵanys salasyndaǵy ýákiletti ortalyq atqarýshy organdy qurý týraly Jarlyqqa qol qoıǵan bolatyn.
