QR ІІM Tarazda sottalýshylardyń qashýyna qatysty túsinikteme berdi
ASTANA. QazAqparat - QR ІІM Qylmystyq atqarý júıesi komıtetiniń baspasóz qyzmeti buqaralyq aqparat quraldaryndaǵy Tarazdaǵy qonys-kollonııadan 6 sottalýshynyń qashyp ketýine qatysty aqparatqa túsinikteme berdi, dep habarlaıdy QazAqparat.
«Qylmystyq atqarý zańnamasy aıasynda qonys-kollonııada jaza óteý jabyq mekemelerge qaraǵanda birshama aıyrmashylyǵy bolady. Qonys-kollonııada jazasyn óteýshi kúndizgi ýaqytta eldi mekendegi túrli nysandarda jumys isteý quqyǵyna ıe jáne mekeme ornalasqan jerge tek túnde qonýǵa ǵana keledi. Sonymen qatar olar mekeme qyzmetkerleriniń qaraýynsyz-aq eldi meken aýmaǵyndaǵy saýda, oqý oryndaryna, medıtsına mekemelerine barýǵa quqyly»,- delingen taratylǵan aqparatta.
Vedomstvonyń atap ótýinshe, munan bólek, ondaı sottalýshylarǵa eldiń kez kelgen óńirine barýǵa múmkindik beretin jyl saıynǵy eńbek demalysy da usynylady
«Degenmen, olar 2016 jyldyń qyrkúıeginen, ártúrli ýaqytta mekemeden tysqary aýmaqta erkin júrip-turý zańdy quqyqtaryn paıdalana otyryp, jumys nysanyna barmaı, boı tasalaǵan. Sottalýshylardyń biri 2017 jyldyń naýryzynda qysqa merzimdi demalystan keıin qonys-kollonııaǵa kelýi tıis edi. Biraq ol kelmedi. Árbir fakti boıynsha izdestirý isi qozǵalyp, atalǵan tulǵalardy ustý jáne jazasyn óteýden jaltarǵandary úshin qylmystyq jaýapkershilikke tartý boıynsha jedel-izdestirý sharalary júrgizilýde», - dep túsindiredi QAJK-dan.
