QR ІІM: Tanys emes adamdardan ustalynǵan telefondy satyp alýǵa bolmaıdy
ASTANA. QazAqparat - QR ІІM tanys emes adamdardan ustalynǵan telefondy satyp alýǵa bolmaıdy dep eskertýde. Urlanǵan telefon satylýy múmkin, ony polıtsııa qyzmetkerleri erte me, kesh pe anyqtap, zańǵa sáıkes ıesine qaıtarady, deıdi vedomstvodan.
«Bótenniń múlkin urlaý qylmysynyń basym bóligin (20 %-dan astam) uıaly telefondardyń urlanýyna baılanysty qylmystar quraıdy. Buǵan, árıne, uıaly telefondardyń halyq arasynda keń qoldanylýy jáne ony jyldam satýǵa múmkindik baryna da sebep bolyp otyr.
Aǵymdaǵy jyly uıaly telefondardyń urlyǵyna qarsy is-qımyl jasaý maqsatynda ІІM Krımınaldyq polıtsııa departamenti uıaly baılanys operatorlarymen urlanǵan uıaly abonenttik qurylǵylardy buǵattaý týraly memorandým jasady.
Uıaly baılanys kompanııasyna uıaly telefondardy buǵattaý týraly 7 myń qaýly jiberildi, 5 myń telefonǵa buǵat qoıyldy. Osy sharany ýaqtyly qabyldaý osyndaı qylmystardyń aldyn alýda pármendi sharalardyń biri bolyp tabylady.
Tanys emes adamdardan ustalynǵan telefondy satyp alýǵa bolmaıdy (sondaı-aq lombardtarda, bazarda, basqa da mamandandyrylǵan emes saýda núktelerinde), onda urlanǵan telefon satylýy múmkin, ony polıtsııa qyzmetkerleri erte me, kesh pe anyqtap, zańǵa sáıkes ıesine qaıtarady.
Mobıldi telefon urlanǵan jaǵdaıda jábirlenýshi kóp keshiktirmeı qylmys jasalǵan oryn boıynsha nemese jaqyn ornalasqan polıtsııa bólimesine aryz jazý qajet. Aryzda qylmystyń bolý jaǵdaıyn kýálerdiń qatysýymen olardyń anketalyq málimetterimen jazý qajet, joǵalǵan telefonǵa sıpattamalyq belgilerin jazý.Sondaı-aq telefondy ıelenýdi rastaıtyn qujattardy aryzǵa qosa usyný qajet.
Sonymen qatar osy sanattaǵy qylmystardyń aldyn alý úshin usynymdarǵa da nazar aýdarǵan jón. Telefonmen sóılesip turǵanda jan-jaǵyńyzǵa nazar salyp turyńyz. Telefondy tartyp alǵysy kelgen adam, ol áreketin júzege asyrmaıdy, sebebi áleýetti qurbannyń jan-jaǵyn baqylap turǵanyn baıqaıdy. Óz múlkińizge jaıbaraqat qaramańyz, ashyq jerge qaraýsyz tastap ketpeńiz. Telefonyńyzdy eshqandaı sebepterge qaramastan, bóten adamdardyń qolyna paıdalanýǵa bermeńiz», - dep jazylǵan habarlamada.
