QR ІІM saıtynda quqyq qorǵaý qyzmetkerleriniń kezekten tys attestattaýyna baılanysty arnaıy bólim qyzmet kórsetedi

Bul týraly búgin QR Іshki ister mınıstrliginde ótken brıfıng barysynda  málim boldy.

Mınıstrliktiń baspasóz qyzmetiniń jetekshisi Nurdildá Orazdyń aıtýynsha, bul bólimde quqyq qorǵaý organdary qyzmetkerlerin kezekten tys attestattaýdan ótkizýge qatysty tolyqqandy aqparat beriledi. Aqparattar qazaq jáne orys tilderindegi taqyryptyq toptamalardy qamtıdy. «Sondaı-aq, «Interaktıvtik qyzmet» bólimindegi «Suraq-jaýap» aıdarynda saıt qoldanýshylary joǵarǵy attestattaý komıssııasy attestattaıtyn ІІO qyzmetkerleriniń quqyq buzýshylyqtary týraly jazyp, attestattaýdan ótetin qyzmetkerlerge arnalǵan tilekterin nemese usynystaryn bildire alady. Ortalyq jáne aýmaqtyq komıssııa attestattaıtyn tizimdi de atalmysh bólimnen kórýge bolady», - deıdi N. Oraz.