QR ІІM respýblıka aýmaǵynda «Tanysýǵa ruqsat etińiz!» aktsııasyn ótkizýde
ASTANA. 13 maýsym. QazAqparat - Halyqpen ózara is-qımyl jasasýdy kúsheıtý, sondaı-aq ákimshilik ýchaskelerde quqyq buzýshylyqtar profılaktıkasy boıynsha ishki ister organdarynyń jumysyn belsendirý maqsatynda aǵymdaǵy jyldyń 13 - 26 maýsym aralyǵynda respýblıka aýmaǵynda «Tanysýǵa ruqsat etińiz!» aktsııasy bastaldy.
Aktsııanyń maqsaty - ýchaskelik polıtsııa ınspektorlary men halyq arasynda barynsha tyǵyz seriktestik qarym-qatynas jasaý jáne ony damytýǵa qol jetkizý, dep habarlady QR ІІM Ákimshilik polıtsııa komıteti.
Aktsııanyń mindeti kúndelikti saǵat 18-den 22-ge deıin árbir páter, úılerdi ákimshilik ýchaskede jumys isteıtin ýchaskelik polıtsııa ınspektorynyń aralap shyǵýy bolyp tabylady.
Sonymen qatar ýchaskelik polıtsııa ınspektorynyń jumysy týraly halyqtyń pikirin zerdeleý maqsatynda ýchaskelik polıtsııa pýnktterinde qalalyq jáne aýdandyq ishki ister organdarynyń basshylary qabyldaý ótkizedi.
Aktsııany ótkizýge 6 myńdaı ýchaskelik polıtsııa ınspektorlary qatysady.
