QR ІІM polıtsııa qyzmetkerlerin qaıta attestattaý boıynsha jańa aqparatpen bólisedi
ASTANA. 21 sáýir. QazAqparat - 2012 jyldyń 19 sáýirinen bastap ІІM vedomstvolyq veb-portalynda www.mvd.gov.kz «Quqyq qorǵaý organ qyzmetkerlerin kezekten tys attestattaý týraly» jańa bólimniń qyzmeti iske qosyldy,
onda quqyq qorǵaý organdarynyń qyzmetkerlerin kezekten tys attestattaýdan ótkizý boıynsha aqparat berilgen, dep habarlady vedomstvonyń baspasóz qyzmeti.
ІІM-de málim bolǵandaı, aqparat memlekettik jáne orys tilderinde berilgen. Atalǵan bólimde 2012 jyldyń 8 sáýirinde №292 bekitilgen Qazaqstan Respýblıkasy Prezıdentiniń «Quqyq qorǵaý organ qyzmetkerlerin kezekten tys attestattaý» Jarlyǵynyń tolyq nusqasy, túsindirmesi, kezekten tys attestattaýdyń qaǵıdalary, tártibi, joǵarǵy attestattaý komıssııasynyń quramy jaıynda tolyq maǵlumat berilgen.
Kezekten tys attestattaýdyń ótý barysy týraly aqparat merzimdi túrde foto materıaldarmen tolyqtyrylatyn bolady.
