QR ІІM polıtseılerdi qadaǵalaý maqsatynda beınejetondar sanyn ulǵaıtpaq
ASTANA. QazAqparat - QR Іshki ister mınıstrligi polıtseılerdi qadaǵalaý maqsatynda qosymsha 2,5 myń beınejeton satyp alýdy josparlaýda. Bul týraly búgin QR Іshki ister mınıstriniń orynbasary Erlan Turǵymbaev málim etti.
«Búgingi tańda jol-patrýldik bólimshede 9 myńǵa tarta beınetirkeý qurylǵylary bar, qosymsha bizge 7,5 myń beınejeton qajet. Jyl sońyna deıin 2,5 myń beınejeton satyp alý josparda bar», - dep atap ótti ol QR ІІM-de ótken baspasóz máslıhatynda.
Onyń sózine qaraǵanda, mundaı qurylǵylar polıtseıdi ǵana emes, onyń aldynda turǵan júrgizýshini de zańǵa baǵynýǵa mindetteıdi.
«Beıneregsıtratorlar polıtseıdń bir kún ishinde jasaǵan isterin tirkep otyrady. Beıneregıstratordyń málimetteri óshirilmeıdi: polıtseı qaıda júrgeni, qaı marshrýtpen kele jatqany, azamattarmen qalaı tildesti, ózin qalaı ustaıdy, osynyń barlyǵy tirkeledi», - dep atap ótti QR ІІM basshysynyń orynbasary.
Mınıstrliktiń málimetteri boıynsha, osyndaı beınetirkeý qurylǵylary arqyly jyl basynan beri 17 myń quqyq buzýshy jaýapqa tartyldy, 90 mıllıon teńgeden astam aıyppul salynǵan.
