QR ІІM Pavlodar oblysynda ıtti órteý oqıǵasyna qatysty túsinik berdi

NUR-SULTAN. QazAqparat – QR Іshki ister mınıstrligi áleýmettik jeli arqyly taraǵan ıtti tirideı órtep jiberý oqıǵasyna qatysty resmı túsinik berdi, dep habarlaıdy QazAqparat tilshisi.

«Bıyl 18 shilde kúni «Jaloby Pavlodar» Instagram paraqshasynda belgisiz bireýdiń ıtti órtegeni týraly vıdeo tarady. 19 shilde kúni Qylmystyq kodekstiń 316-babyna sáıkes qylmystyq is qozǵaldy. Vıdeomaterıal uzaqtyǵy boıynsha qysqa bolýyna jáne naqty bir eldi mekenniń aıtylmaýyna baılanysty qazirgi ýaqytta oqıǵa bolǵan jer anyqtalý ústinde. Aldyn ala izdeý nátıjesi boıynsha oqıǵa Pavlodar oblysynda bolmaǵany anyqtaldy», - dedi QR ІІM Ákimshilik polıtsııa komıteti basshysynyń orynbasary Serik Túsipov Ortalyq kommýnıkatsııalar qyzmetinde ótken baspasóz máslıhatynda.

Eske sala ketsek, bıyl shilde aıynda Instagram paraqshasynda belgisiz bireýdiń ıtti órtegeni týraly vıdeojazba tarady. Keıbir BAQ-tyń habarlaýynsha, tártip saqshylary oqıǵanyń Pavlodar oblysynda bolǵanyn boljaǵan.