QR ІІM Ózbekstan Ulttyq ulanymen yntymaqtastyq týraly kelisimge qol qoıdy
NUR-SULTAN. QazAqparat - Qazaqstannyń ishki ister mınıstri Erlan Turǵymbaev Qazaqstan Respýblıkasynyń Ulttyq ulanyna jumys saparymen kelgen Ózbekstan Respýblıkasy Ulttyq ulanynyń qolbasshysy Rýstam Djýraevpen kezdesti, dep habarlaıdy QazAqparat.
QR Іshki ister mınıstrligi baspasóz qyzmetiniń habarlaýynsha, kezdesýde vedomstvoaralyq ózara is-qımyldyń ózekti máseleleri, sondaı-aq olardy odan ári damytý jaıy talqylandy.
Qazaqstan ІІM men Ózbekstan Ulttyq ulany arasynda yntymaqtastyq týraly kelisimge qol qoıyldy.
Osy halyqaralyq shart eki vedomstvonyń qoǵamdyq tártipti saqtaý jáne qaýipsizdikti qamtamasyz etý, terrorızmge qarsy operatsııalar júrgizý, sondaı-aq kadrlar daıarlaý salasyndaǵy ózara is-qımyly úshin quqyqtyq negiz bolady.
Kezdesýge qatysqan taraptar qol qoıylǵan kelisim ekijaqty yntymaqtastyqqa jańa serpin beretinine senim bildirdi.
